విభిన్నం.. ప్రయోజనం..

యాప్స్ - గేమ్స్

విభిన్నం.. ప్రయోజనం..

‘యాప్‌’రే!

ఖాళీ చిక్కితే చాలు.. ఏవేవో యాప్‌లు ఓపెన్‌ చేస్తుంటాం. వాటిల్లో చాలా వరకు ఏ సోషల్‌ మీడియా యాప్‌లో.. ఎంటర్‌టైన్మెంట్‌కి సంబంధించినవో ఉంటాయి.. అవి కాసేపు పక్కన పట్టేసి వీటిని ప్రయత్నించండి. ఇప్పుడున్న పరిస్థితికి ఇవి అవసరం కూడా. ఊహించని రీతిలో మారిన లైఫ్‌ స్టైల్‌ని తిరిగి గాడిలో పెట్టేందుకు ఉపయోగపడతాయి. ఓ సారి ప్రయత్నించి చూడండి.

కాస్త మోటివేషన్‌ కోసం

ఇంట్లో ఖాళీగా కూర్చుంటే ఏవేవో అనవసరపు ఆలోచనలు.. వారాల కొద్దీ కొనసాగుతున్న లాక్‌డౌన్‌తో మానసికంగా బలహీనులవుతున్న వారెందరో.. ఇలాంటి సమయంలో కాస్త మోటివేషన్‌ అవసరమైతే.. కొత్త విషయాలు తెలుసుకుంటూ అప్‌డేట్‌లో ఉండాలనుకుంటే.. ఈ యాప్‌ ఇన్‌స్టాల్‌ చేసుకోండి. పేరు Deepstash. ఈ యాప్‌లో ఎన్నో వ్యాసాలు ఉంటాయి. ఆరోగ్యం, ప్రేమ, వ్యక్తిత్వ వికాసం, సమయపాలన, సమస్యకు సమాధానం ఇలా అనేక అంశాలపై వ్యాసాలు చదవొచ్ఛు తెలియని వాటిని అడిగి తెలుసుకోవచ్ఛు యాప్‌ని బ్రౌజ్‌ చేస్తూ మీకు నచ్చిన ఆర్టికల్‌ ఎంచుకుని చదవొచ్ఛు ప్లే స్టోర్‌లో ఉచితంగా అందుబాటులో ఉంది.

తడబడరు

మీ అభిప్రాయం సోషల్‌ వేదికగా షేర్‌ చేయాలనో, వాట్సాప్‌లో ఫ్రెండ్‌కి వీడియో స్పీచ్‌ చెప్పాలనో సెల్ఫీ కెమెరా ఆన్‌చేస్తాం. తీరా చెప్పాల్సింది కాకుండా ఇంకేదో చెప్పేస్తాం. మరి ఈ సమస్యకి కాస్త సొల్యూషన్‌ కావాలంటే సింపుల్‌గా ఈ యాప్‌ డౌన్‌లోడ్‌ చేసుకోండి. పేరు Selvi. ఇదో టెలీ ప్రమోటర్‌ కెమెరా. మీరు చెప్పదలుచుకున్న విషయం ముందే నోట్‌ రూపంలో రాసుకుంటే చాలు కెమెరా ఆన్‌ చెయ్యగానే తెరపై నోట్‌ కనబడుతుంది. దాన్ని చూస్తూ పక్కాగా చెప్పేయొచ్ఛు ఇక అనవసర విషయాలు చెప్తామనే ఇబ్బంది ఉండదు. మళ్లీ మళ్లీ రికార్డు చేసే బాధా ఉండదు. ప్రయత్నించండి మరి.

జ్ఞాపకాలు పదిలంగా..

కాలం వేగంగా పరుగెడుతుంది. చూస్తుండగానే రోజులు గడిచిపోతున్నాయి. లాక్‌డౌన్‌తో చాలా రోజులుగా ఇంటికే పరిమితమయ్యారు. ఇంకొన్ని రోజులు అదే పరిస్థితి. మరి ఈ సమయాన్ని ఎలా వినియోగించుకుంటున్నారు. టీవీ చూస్తూనో, స్మార్ట్‌ఫోన్‌తో గడిపేస్తే మీరు మీ విలువైన కాలాన్ని వృథా చేసుకుంటున్నట్లే.. అందుకే ఈ సమయాన్ని మీ భవిష్యత్తు లక్ష్యాలకి బేస్‌లా వాడుకోండి. ఆ వైపుగా ప్రణాళికలు రచించండి. అంకుర సంస్థ స్థాపించాలనుకోవచ్చు లేదా ఓ రెస్టారెంట్‌ పెడదామనుకోవచ్ఛు ఆ వైపుగా మీ ఆలోచనలు కదిలించండి. అందుకు రోజూ మీరేం చేస్తున్నారో ఓ జర్నల్‌లో రాసుకోండి. కావాలంటే ఈ యాప్‌ని ప్రయత్నించొచ్ఛు పేరు హ్యాపీఫీడ్‌. రాత్రి నిద్రించేముందు ఆ రోజు మీకున్న మూడు హ్యాపి మూమెంట్స్‌ రికార్డ్‌ చేయొచ్ఛు ఇలా మీ రోజుని ఎలా వినియోగించుకుంటున్నారు. మీ జీవితంలో ఉన్న మధురానుభూతులను ఒక చోట భద్రపరచొచ్ఛు గడిచిన రోజులను భవిష్యత్తులో గుర్తుచేసుకునేందుకు ఈ యాప్‌ మీకు ఉపయోగపడుతుంది. ప్రయత్నించండి.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

యాప్స్ - గేమ్స్

మరిన్ని

రుచులు

App