దేశీయ పాడ్‌కాస్ట్‌లు.. వినేయండి.. ఉల్లాసంగా

ఫీచర్డ్ స్టోరీస్

దేశీయ పాడ్‌కాస్ట్‌లు.. వినేయండి.. ఉల్లాసంగా

బోర్‌ అనిపిస్తే మ్యూజిక్‌ యాప్‌ల్లో పాటలు వింటాం.. అది రిలాక్స్‌ అయ్యేందుకు. కానీ, విజ్ఞానాన్ని పెంచుకునేందుకు ఏం వింటున్నారు? ఉదాహరణకు.. కారు నడిపేటప్పుడు ఇష్టమైన ట్రాక్స్‌ వినడానికి బదులు మీకు ఇష్టమైన రంగానికి సంబంధించిన విజ్ఞాన సమాచారాన్ని వినొచ్చు. ఇదే మాదిరిగా రాత్రి పడుకునే ముందు కూడా మనసుకి హయినిచ్చే కబుర్లు వింటూ నిద్రలోకి జారుకోవచ్చు. అందుకు తగిన పాడ్‌కాస్ట్‌లు చాలానే ఉన్నాయి. కొవిడ్‌ కారణంగా ఎక్కువగా బయట తిరగడానికి ఇష్టపడని వారికి పాడ్‌కాస్ట్‌లు చక్కని టైమ్‌పాస్‌ కూడా. ఇంకెందుకు ఆలస్యం.. ఇవిగోండి కొన్ని దేశీయ ఊసుల అడ్డాలు.. వినేయండి ఉల్లాసంగా..!

కళల నిలయం.. ఆడియోగ్యాన్‌

చదువు, ఉద్యోగంతో పాటుగా ప్రతి ఒక్కరిలోనూ ఏదో ఒక ప్రత్యేకత ఉంటుంది. అలా తమలో దాగున్న కళలు, క్రియేటివ్‌ ఆలోచనల్ని మెరుగు పరుచుకునేందుకు ఆసక్తికరమైన విషయాలు ఎవరు చెప్పినా వింటాం. మరింత మెరుగయ్యేందుకు ప్రయత్నిస్తాం. ఇలా పలు కళలు, క్రియేటివ్‌ డిజైన్‌లు, ఫొటోగ్రఫీ.. అంశాలపై అనుభవం సాధించిన వారు చెప్పే ‘గ్యాన్‌ సెషన్స్‌’ వినొచ్చు. గంట పాటు సంభాషణలు ఉన్నాయి. యాపిల్‌ యూజర్లు ఐట్యూన్స్‌లో వినొచ్చు. డెస్క్‌టాప్‌ యూజర్లు వెబ్‌సైట్‌లో వినేందుకు వీలుంది. ఆండ్రాయిడ్‌ ఫోన్‌ వాడుతున్నట్లయితే స్పాటిఫై యాప్‌లో ఆడియోగ్యాన్‌ని యాక్సెస్‌ చేయొచ్చు. దేంట్లో వింటున్నా ఎప్పటికప్పుడు కొత్త ఎసిసోడ్‌లకు సంబంధించిన వివరాలు పొందొచ్చు. * https://audiogyan.com/

విహార యాత్రల కోసం.. ది ముసాఫిర్‌ స్టోరీస్‌

ఓ వారం పాటు ఖాళీ సమయం చిక్కితే చాలు.. ఎక్కడికి వెళ్దామా? విహరించేందుకు ఏయే ప్రాంతాల్లో ఎలాంటి విశేషాలు ఉన్నాయా? అని తెగ వెతికేస్తుంటాం. మీకు కూడా ఇలాంటి ప్లాన్‌లు ఉంటే ముసాఫిర్‌ స్టోరీస్‌ వినేయండి. ఇదో ట్రావెల్‌ పాడ్‌కాస్ట్‌. దేశంలో ప్రసిద్ధి చెందిన ట్రావెల్‌ డెస్టినేషన్స్‌ గురించి వివరించి చెబుతోంది. మీరు ఏ పనిలో ఉన్నా హాయిగా వింటూ తెలుసుకోవచ్చు. దేశాన్ని చుట్టి వస్తున్న ట్రావెలర్స్, వారి అనుభావాల్ని పంచుకుంటూ ఇతరులకు ప్రేరణ కలిగిస్తున్నారు. 60 లేదా 45 నిమిషాల నిడివిలో సంభాషణలు ఉన్నాయి. * https://themusafirstories.com/

ముఖ్యాంశాలు ఏంటి? బిగ్‌ స్టోరీ

ఏం చేస్తున్నా.. ఎక్కడున్నా.. మన చుట్టూ ఏం జరుగుతుందో తెలుసుకునేందుకు ఆసక్తి చూపిస్తాం. పత్రికలు, ఛానళ్లు, ఇతర ఆన్‌లైన్‌ మాద్యమాల్ని ఫాలో అవుతుంటాం. వీటితో పాటు ఏ పనిలో ఉన్నా దేశంలో చోటు చేసుకుంటున్న ముఖ్యమైన అంశాల్ని ఎప్పటికప్పుడు విశ్లేషణాత్మకంగా తెలుసుకోవాలనుకుంటే బిగ్‌ స్టోరీ పాడ్‌కాస్ట్‌ వినొచ్చు. ఆడియోభూమ్, గూగుల్‌ పాడ్‌కాస్ట్, స్పాటిఫై.. లాంటి ఇతర పాడ్‌కాస్ట్‌ ప్లాట్‌ఫామ్‌లపై ట్యూన్‌ చేసుకుని వినొచ్చు. * www.thequint.com/podcast

తెలుగు కుర్రోడి కబుర్ల అడ్డా డాబా కథలు

మీ ఊర్లో.. డాబాపైన ఫ్రెండుతో కూర్చున్నారు. వెన్నెల్లో చందమామ.. చుక్కలు.. పక్కనే ఉన్న ఫ్రెండుతో కబుర్లు.. ఎలా ఉంటాయ్‌ చెప్పండి.. కబుర్లే కబుర్లు కదా! అచ్చం అలాంటి కబుర్లే చెబుతోంది డాబా కథల పాడ్‌కాస్ట్‌. సింగిల్‌గా ఉన్నప్పుడు బోర్‌ అనిపించి.. ఓ ఫ్రెండు చెప్పే ముచ్చట్లు విందాం అనుకుంటే జియో సావన్‌ లేదా యూట్యూబ్‌లో ఈ పాడ్‌కాస్ట్‌ని బ్రౌజ్‌ చేసుకుని వినొచ్చు. ఓ వంద ఎపిసోడ్‌లు ఉన్నాయి. * http://bit.ly/36UG0bB

అందరి వెనకున్న కథలు అవి.. ప్యూర్‌ పెర్సెప్షన్‌

రంగం ఏదైనా.. విషయం చిన్నదైనా.. పెద్దదైనా.. ఆ జర్నీలో ప్రతి ఒక్కరి వెనకా ఓ కథ ఉంటుంది. అది ఎందరికో ప్రేరణ కలిగిస్తుంది. ఇదే నమ్మిన ఓ తెలుగు కుర్రాడి పాడ్‌కాస్టే ఇది. పలు రంగాల్లో సక్సెస్‌ అందుకున్న వారి సంభాషణలు.. వారిలో దాగున్న విశ్లేషణాత్మక కోణాల్ని వినొచ్చు. ఐఫోన్‌ యూజర్లు యాపిల్‌ పాడ్‌కాస్ట్‌లోకి వెళ్లి వినొచ్చు. ఆండ్రాయిడ్‌ యూజర్లు స్పాటిఫై యాప్‌లో ఫాలో అయ్యి వినేందుకు వీలుంది. * http://apple.co/2MxpGGD

Tags :

మరిన్ని

జిల్లా వార్తలు

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి రుచులు దేవతార్చన

ఫీచర్డ్ స్టోరీస్

మరిన్ని

రుచులు

App