సిట్‌ రైట్‌ చేస్తుంది..

యాప్స్ - గేమ్స్

విడ్డూరం

ఇప్పుడున్న స్మార్ట్‌ జమానాలో కూర్చోవడమే ఎక్కువ. కాలేజీల్లో మొదలు... కార్పొరేట్‌ ఆఫీసుల వరకూ గంటలు గంటలు ల్యాపీని ముందేసుకుని కూర్చోక తప్పదు. దీంతో ఎక్కువ శాతం మంది వెన్ను నొప్పితో బాధ పడేవారే. దీనికి కారణం. సరైన పద్ధతిలో కూర్చోకపోవడం. ఒక్కసారి పనిలో నిమగ్నమయ్యాక ఎలా కూర్చుంటున్నామో తెలుసుకోవడం కష్టమే అనుకోవక్కర్లేదు. అందుకో స్మార్ట్‌ మార్గం ఉంది. ఈ ‘అప్‌రైట్‌ గో 2’ గ్యాడ్జెట్‌ని ధరించండి చాలు. అదే నిత్యం మీరు ఎలా కూర్చుంటున్నారో ట్రాక్‌ చేస్తుంది. వెన్నెముకకు హాని చేసే భంగిమలో మీరు కూర్చుంటే వెంటనే అలర్ట్‌ (వైబ్రేట్‌ అవుతుంది) చేస్తుంది. చిత్రంలో మాదిరిగా రెండు భుజాల మధ్య వెన్నుపై ఉంచితే చాలు. శరీరానికి అంటిపట్టుకుని ఉంటుంది. ఫోన్‌లో సంబంధిత యాప్‌ని ఇన్‌స్టాల్‌ చేసుకుని నిఘా ప్రారంభించొచ్ఛు వెన్నెముకపై భారం పడేలా కూర్చుంటే వైబ్రేట్‌ అవుతూ జలక్‌ ఇస్తుంది. దీంతో మీరు అలర్ట్‌ అయ్యి భంగిమని మార్చుకోవచ్ఛు.

Tags :