మ్యూచువల్ ఫండ్స్ లో రెండు రకాల ఆప్షన్ లు ఉంటాయి - డివిడెండ్, గ్రోత్. ఇందులో డివిడెండ్ ఆప్షన్ ఎంచుకున్న వారికి సమయానుసారంగా కంపెనీ లు డివిడెండ్ ప్రకటించినప్పుడు ఆ మొత్తాన్ని మదుపరులకు అందిస్తారు. గ్రోత్ ఆప్షన్ అయితే ఆ మొత్తాన్ని ఫండ్ మేనేజర్ తీసుకుని తిరిగి పెట్టుబడి పెడతారు. అనుభవం ఉన్న ఫండ్ మేనేజర్ పెట్టుబడి పెడతారు కాబట్టి గ్రోత్ ఆప్షన్ ఎంచుకోవడమే సరైనది. మీకు డివిడెండ్ అవసరం పడుతుంది అనిపిస్తే డివిడెండ్ ఆప్షన్ ఎంచుకోవచ్చు. 

80 ఏళ్ళు దాటిన వారికి రూ. 5 లక్షల వరకు పెన్షన్ పై పన్ను చెల్లించే అవసరం ఉండదు. ఆ పై మొత్తానికి 20 శాతం పన్ను వర్తిస్తుంది. మీకు రూ.13,000 పై 20 శాతం, అంటే సుమారుగా రూ. 2600 వరకు పన్ను చెల్లించాల్సి ఉంటుంది. ప్రామాణిక మినహాయింపు, సెక్షన్ 80c లాంటి అన్ని పన్ను మినహాయింపులను ఉపయోగించారని భావిస్తున్నాము.