1 హిందువులకు రాముడి జన్మస్థలి

2 జైన, బౌద్దులకూ ప్రత్యేకమే

3 ముస్లింల దాడులు... బాబ్రీ మసీదు నిర్మాణం

కనౌజ్‌ నుంచి అవధ్‌గా రూపాంతరం

రాజులు, రాజ్యాలు మారుతున్న క్రమంలో అయోధ్య ప్రాంతంలో కనౌజ్‌ రాజ్యం అవతరించింది. క్రీ.శ.11వ శతాబ్దంలో అది అవధ్‌గా మారింది. తర్వాత ఢిల్లీ సుల్తానుల రాజ్యంలోకి వెళ్లి, దాని పతనం తర్వాత జాన్‌పూర్‌లో భాగమైంది. 16వ శతాబ్దంలో మొఘలుల వశమైంది. మూడో పానిపట్టు యుద్ధం తర్వాత ఈస్టిండియా కంపెనీకి 1764లో అవధ్‌ సామంత రాజ్యంగా మారిపోయింది. చివరికి బ్రిటిష్‌ వారు 1856లో తమ సామ్రాజ్యంలో కలిపేసుకున్నారు. అన్నిరకాల హక్కులు కోల్పోయిన నాటి రాజులు 1857లో తొలి స్వాతంత్య్ర పోరాటంలో పాల్గొని ఓడిపోయారు. ఈ పరిణామంతో అవధ్‌ ప్రాంతం 1877లో ఆగ్రా ప్రెసిడెన్సీలో కలిసి నార్త్‌-వెస్ట్రన్‌ ప్రావిన్సులో భాగమైంది. తర్వాత అదే ఆగ్రా-అవధ్‌గా యునైటెడ్‌ ప్రావిన్సెస్‌గా మారింది. ఇప్పుడు ఉత్తర్‌ప్రదేశ్‌ రాష్ట్రంలోని ఫైజాబాద్‌ జిల్లాలో కలిసింది.

ఇదీ  అయోధ్య (2011 గణాంకాలు)

నగర జనాభా : 58,890

అందులో పురుషులు : 31,705

మహిళలు : 24,185

అక్షరాస్యత శాతం : 78.15