ఆటోడ్రైవరు కూతురు.. ఆక్సిజన్‌ అందిస్తోంది
close
Updated : 06/06/2021 00:24 IST
Facebook Share Twitter Share WhatsApp Share Telegram Share Link Share

ఆటోడ్రైవరు కూతురు.. ఆక్సిజన్‌ అందిస్తోంది

ఆమెది సాధారణ కుటుంబం. తండ్రి ఆటోడ్రైవర్‌. ఈ కొవిడ్‌ సమయంలో తనూ సాయం చేయాలనుకుంది. ఆక్సిజన్‌ అందక ప్రాణాలు కోల్పోతున్న వారికి సిలిండర్లు సరఫరా చేస్తోంది. ఆమే.. హబీ బున్నిసా.
బెంగళూరులోని సీజీ ఆసుపత్రిలో ఓ కొవిడ్‌ బాధితుడు ఆక్సిజన్‌ స్థాయి పడిపోయి ప్రాణాపాయ స్థితికి చేరుకున్నాడు. కుటుంబ సభ్యులు తెలిసిన వారిని ఆరా తీయగా, దేవన్‌గిరికి చెందిన కాలేజీ విద్యార్థిని హబీబున్నిసా గురించి చెప్పారు. విషయం తెలిసి హబీ హుటాహుటిన ఆక్సిజన్‌ సిలిండర్‌ను తెచ్చి అందించింది. ఆ రోగి ప్రాణాపాయం నుంచి బయటపడ్డాడు. ఇలా ఎంతో మందికి సాయమందిస్తోందీమె. హబీ వాళ్ల నాన్న మహమ్మద్‌ జబీర్‌ ఆటో నడిపి కుటుంబాన్ని పోషిస్తాడు. తల్లి గృహిణి. తమకున్న దాంట్లోనే ఇతరులకు సాయపడాలనే గుణాన్ని హబీ తండ్రి నుంచి నేర్చుకుంది. మిల్లట్‌ కాలేజీలో ఐటీఐ ఎలక్ట్రికల్‌ రెండో ఏడాది చదువుతో పాటు దేవన్‌గిరి యూనిట్‌కు యూత్‌ కాంగ్రెస్‌ ఉపాధ్యక్షురాలిగానూ వ్యవహరిస్తోంది. నిరుపేద పిల్లలకు చదువు చెబుతోంది, ఆసక్తి ఉన్న వారిని క్రీడల్లో ప్రవేశించేలా కృషి చేస్తోంది. తను వాలీబాల్‌ క్రీడాకారిణి కూడా. జాతీయ, అంతర్జాతీయ పోటీల్లో పాల్గొని పతకాలనూ అందుకుంది.

గతేడాది కరోనా ప్రభావం హబీ కుటుంబంపైనా పడింది. ఆటో ద్వారా ఆదాయం లేకపోవడంతో ఆర్థికంగా పలు ఇబ్బందులను ఎదుర్కొంది. అయినా చుట్టుపక్కల వారి ఇబ్బందులను గుర్తించి తాము దాచుకున్న నగదుతో నిరుపేదలకు నిత్యావసర వస్తువులు, మాస్క్‌లు పంపిణీ చేశారు. ఈ ఏడాది ఆక్సిజన్‌ అందక ఎందరో చనిపోతున్నారని తెలుసుకున్న హబీ దాతల సాయంతో ఆక్సిజన్‌ సిలిండర్లను పంపిణీ చేస్తోంది.

‘సిలిండర్‌ అవసరమైన వాళ్లు సంప్రదించమని సోషల్‌ మీడియాలో, యూత్‌ కాంగ్రెస్‌ యూనిట్‌ ద్వారా అందరికీ సమాచారాన్ని పంపాను. దీంతో అత్యవసరమైన వాళ్లు ఫోన్‌ చేస్తున్నారు. మా అన్నయ్య ద్విచక్ర వాహనం మీద వెళ్లి వారికి అందిస్తున్నా. వాళ్లు కోలుకున్నప్పుడు చాలా సంతోషంగా అనిపిస్తుంది. అంతేకాదు అమ్మ రోజూ రోటీలు చేసి ఇస్తే, వాటిని పేదలకు పంపిణీ చేస్తున్నా. మనం బాగుంటే చాలదు, చుట్టుపక్కల వాళ్లూ బాగుండాలి అని చెప్పే అమ్మా నాన్నలే నాకు ఈ సేవాభావాన్ని అలవరిచారు. రోజుకి  నాలుగైదు ఆక్సిజన్‌ సిలిండర్లు అందజేయగలుగుతున్నా’ అని చెబుతోంది హబీ.


మరిన్ని

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

'స్వీట్' హోం

మరిన్ని

వర్క్ & లైఫ్

మరిన్ని

బ్యూటీ & ఫ్యాషన్

మరిన్ని