close
Updated : 28/04/2021 02:10 IST
Facebook Share
Twitter Share
WhatsApp Share
Telegram Share

కూతురి ఆస్తిలో తండ్రికి హక్కుంటుందా?

నా స్నేహితురాలి కూతురికి పదిహేను సంవత్సరాలు. తనకు మూడేళ్లున్నప్పుడు ఆమె చనిపోయింది. భర్త రెండో పెళ్లి చేసుకుని పిల్లని వదిలేశాడు. అమ్మమ్మ తాతయ్యలే తనని పెంచారు. దురదృష్టవశాత్తూ ఏడాది తేడాతో వారిద్దరూ మరణించారు. వారి తదనంతరం మనవరాలికి ఆస్తి చెందేట్లు విల్లు రాశారు. ఇంతవరకూ బాగానే ఉంది  కానీ... పాప మైనర్‌ కావడంతో కూతురి బాధ్యత నాదే అంటూ తండ్రి తిరిగి వచ్చాడు. అది మాకెవరికీ నమ్మబుద్ధి కావడం లేదు. పాప ఎటూ తేల్చుకోలేకపోతోంది. ఈ విషయంలో చట్టం ఏమైనా సాయం చేస్తుందా?

- ఓ సోదరి, మిర్యాలగూడ

బిడ్డలకు తల్లిదండ్రుల్ని సహజ సంరక్షకులుగా గుర్తిస్తుంది చట్టం. అమ్మమ్మ తాతయ్యలే ఆ పాప ఆలనా పాలనా చూస్తూ, వారి ఆస్తిని అప్పజెప్పి ఆమె భవిష్యత్తుకి భరోసా కల్పించడం సంతోషకరమే. ఇప్పుడు తండ్రి వచ్చి సంరక్షణ బాధ్యతలు తీసుకున్నా... ఆ అమ్మాయి ఆస్తిమీద అతనికి ఏ హక్కూ ఉండదు. మైనర్‌ పిల్లల ఆస్తిని అమ్ముకోవడానికీ, అనుభవించడానికీ ఆ తండ్రికి హక్కు ఉండదు. ఆ పాప ఎవరి దగ్గర ఉండాలనుకుంటుందో తెలుసుకోండి. ఐదేళ్లు దాటిన పిల్లలందరికీ దీన్ని నిర్ణయించుకునే హక్కు ఉంది. వారి సంక్షేమాన్ని దృష్టిలో పెట్టుకుని కోర్టులు గార్డియన్ల విషయంలో నిర్ణయం తీసుకుంటాయి. తన బిడ్డ ఇన్నాళ్లూ అమ్మమ్మ ఇంట్లో భద్రంగా ఉందనే భరోసాతో ఆ తండ్రి పట్టించుకోకపోయి ఉండొచ్చు. ఇప్పుడు చదువు, పెళ్లి వంటి అంశాల్లో అతని ప్రమేయం ఉండాలనే ఆలోచనతో ఆమె ఆలనా పాలనా చూడటానికి ముందుకు వచ్చి ఉండొచ్చు. అలాకాకుండా ఆ అమ్మాయికీ, ఆమె ఆస్తికీ వ్యతిరేకంగా ప్రవర్తిస్తుంటే... ఆ విషయాన్ని కోర్టులో నిరూపిస్తే తప్ప గార్డియన్స్‌ అండ్‌ వార్డర్స్‌ యాక్ట్‌ ప్రకారం మరొకరికి సంరక్షణ బాధ్యతలు ఇవ్వమని అడిగే హక్కు ఉండదు. కోర్టులో పిటిషన్‌ వేసి తేలేటప్పటికి పాప మేజర్‌ అయిపోతుంది. ప్రస్తుతానికి తండ్రి సంరక్షణలో ఉండి ఒక వేళ పాప క్షేమానికి భంగం వాటిల్లుతుందని అనుకుంటే కోర్టుని గార్డియన్‌ని ఏర్పాటు చేయమని ఆమె తరఫున ఎవరైనా సెక్షన్‌ 8 ప్రకారం కోర్టులో పిటిషన్‌ వేయవచ్చు.

మరిన్ని

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని