దసరాకు మరో 10 ప్రత్యేక రైళ్లు

తాజా వార్తలు

Updated : 15/10/2020 05:18 IST

దసరాకు మరో 10 ప్రత్యేక రైళ్లు

సికింద్రాబాద్‌: దసరా పండుగ సమీపిస్తున్న వేళ ప్రయాణికుల రద్దీని దృష్టిలో ఉంచుకొని దక్షిణ మధ్య రైల్వే మరో 10 ప్రత్యేక రైళ్లను ఏర్పాటు చేసింది. కాకినాడ - లింగంపల్లి; తిరుపతి -లింగంపల్లి; నర్సాపూర్‌ - లింగంపల్లితో పాటు విజయవాడ -హుబ్లీ, తిరుపతి - అమరావతి మార్గాల్లో ఈ రైలు సర్వీసులను నడపనున్నట్టు వెల్లడించింది. ఈ మేరకు బుధవారం రాత్రి ఓ ప్రకటన విడుదల చేసింది. ఈ నెల 20న నుంచి నవంబర్‌ 30 వరకు కాకినాడ - లింగంపల్లి, తిరుపతి - లింగంపల్లి మధ్య ప్రత్యేక రైలు సర్వీసులను నడుపుతామని తెలిపింది. అలాగే, నర్సాపూర్‌ - లింగంపల్లి స్టేషన్ల మధ్య ఈ నెల 23 నుంచి నవంబర్‌ 30 తేదీల మధ్య రైలు సర్వీసులు నడుస్తాయని అధికారులు పేర్కొన్నారు.

 విజయవాడ -హుబ్లీ; హుబ్లీ - విజయవాడ మధ్య ఈ నెల 21 నుంచి నవంబర్‌ 30 వరకు ప్రతి రోజూ రైలు సర్వీసులు నడపనున్నట్టు తెలిపారు. అలాగే, తిరుపతి నుంచి మహారాష్ట్రలోని అమరావతికి ఈ నెల 20 నుంచి నవంబర్‌ 28 వరకు ప్రతి మంగళ, శనివారాల్లో నడపనున్నారు. అలాగే, అమరావతి నుంచి తిరుపతికి ఈ నెల 22 నుంచి నవంబర్‌ 30 వరకు ప్రతి గురు, సోమవారాల్లో ఈ సర్వీసులు నడవనున్నాయి.

ఇదీ చదవండి..

పండుగ సీజన్‌: రైల్వే ప్రయాణికులకు హెచ్చరిక




Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని