ఏపీ ప్రభుత్వానికి ఎన్జీటీలో చుక్కెదురు

తాజా వార్తలు

Published : 09/09/2020 17:26 IST

ఏపీ ప్రభుత్వానికి ఎన్జీటీలో చుక్కెదురు

దిల్లీ:ఆంధ్రప్రదేశ్‌లోని పలు ఎత్తిపోతల పథకాలకు అనుమతులు లేవంటూ దాఖలైన పిటిషన్లపై జాతీయ హరిత ట్రైబ్యునల్‌ (ఎన్జీటీ) బుధవారం విచారణ చేపట్టింది. పట్టిసీమ, పురుషోత్తపట్నం, చింతలపూడి ఎత్తిపోతల పథకాలు పర్యావరణ అనుమతులు లేకుండా చేపట్టారని ఎన్జీటీ నిర్ధారించింది. ఈ మూడు ఎత్తిపోతల పథకాలు పోలవరం ప్రాజెక్టులో అంతర్భాగం కాదన్న కేంద్ర జలశక్తి శాఖ నివేదికతో ఎన్జీటీ ఏకీభవించింది. ఈ ఎత్తిపోతల పథకాలకు పర్యావరణ అనుమతులు తీసుకోవాలని రాష్ట్ర ప్రభుత్వాన్ని జాతీయ హరిత ట్రైబ్యునల్‌ ఆదేశించింది. పర్యావరణ అనుమతులు తీసుకునే వరకు పురుషోత్తపట్నం ఎత్తిపోతల పథకంలో ముందుకెళ్లొద్దని స్పష్టం చేసింది. 

మిగిలిన రెండు ఇప్పటికే నిర్వహణలో ఉన్నందున పర్యావరణ అనుమతులు తీసుకోవాలని రాష్ట్ర ప్రభుత్వానికి ఎన్జీటీ సూచించింది. పర్యావరణ అనుమతులు లేకుండా ప్రాజెక్టులు చేపట్టినందుకు గాను జరిమానా, పరిహారం అంచనాపై కమిటీని ఏర్పాటు చేసింది. కేంద్ర పర్యావరణ శాఖ, కేంద్ర, రాష్ట్ర కాలుష్య నియంత్రణ మండళ్లతో పాటు ఉభయగోదావరి జిల్లాల కలెక్టర్లతో కమిటీని ఏర్పాటు చేసింది. పర్యావరణ పరిహారం, జరిమానాను అంచనా వేసి ఆరు నెలల్లో వసూలు చేయాలని కమిటీని ఎన్జీటీ ఆదేశించింది. అనంతరం తదుపరి విచారణను వచ్చే ఏడాది ఏప్రిల్‌ 12కి వాయిదా వేసింది. 
 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని