స్ఫూర్తిదాయక కథలతో మానసికోల్లాసం : మోదీ 

తాజా వార్తలు

Updated : 27/09/2020 17:33 IST

స్ఫూర్తిదాయక కథలతో మానసికోల్లాసం : మోదీ 

మన్‌ కీ బాత్‌ కార్యక్రమంలో ప్రధాని 

న్యూదిల్లీ : స్ఫూర్తిదాయక కథలతో మానసికోల్లాసం లభిస్తుందని ప్రధాని మోదీ అన్నారు. ప్రతి నెలా నిర్వహించే మన్‌ కీ బాత్‌ కార్యక్రమంలో భాగంగా ఆదివారం మోదీ మన దేశంలో కథలకు ఉన్న ప్రాముఖ్యాన్ని వివరించారు. ఇండియాలో కథల ద్వారా జ్ఞానాన్ని పొందే సంస్కృతి ప్రాచీన కాలం నుంచి ఉందని చెప్పిన మోదీ ఇటీవల ఆ ఒరవడి తిరిగి ప్రారంభం అయిందన్నారు. వచ్చే ఏడాదికి భారతావని స్వాతంత్ర్యం పొంది 75 ఏళ్లు అవుతున్న సందర్భంగా భారత్‌లో బ్రిటీష్‌ పాలనా కాలం నాటి భారతీయుల స్ఫూర్తిదాయక కథలపై మోదీ చర్చించారు. కథలు చెప్పేవారు ఇటువంటి కథలను వారి జాబితాలో చేర్చుకొని కొత్త తరాలకు వాటిని అందించాలని ఆయన కోరారు. ఈ విషయంపై సానుకూలంగా స్పందిస్తారని ఆశాభావం వ్యక్తం చేసిన మోదీ కథలపై మక్కువ పెంచుకోవటం అవసరమన్నారు. 

ప్రతి కుటుంబం కథలకు ఉన్న గొప్పతనాన్ని గుర్తించి వాటిని సాధారణ జీవితంలో భాగం చేసుకోవాలని ప్రధాని సూచించారు. వారంలో కొంత సమయాన్ని కథలు వినటానికి, చెప్పటానికి కేటాయించుకోవాలని కోరారు. నీతి, ప్రేమానురాగాలు, ధైర్యం, నిజాయితీ, నిబద్ధత తదితర అంశాలు ఉన్న కథలు వినటానికి, చెప్పటానికి ప్రతి కుటుంబంలోని సభ్యులందరూ కృషి చేయాలని  ప్రధాని మోదీ అన్నారు. ఇలా చేయటం వల్ల ప్రతి కుటుంబం సుఖసంతోషాలతో వర్థిల్లుతుందని ఆయన వివరించారు. కుటుంబంలో తాతలు, అవ్వలు ఉంటే వాళ్ల చిన్నకాలం నాటి కథలను నేటి తరం చెప్పించుకొని వాటిని రికార్డు చేసుకోవాలని సూచించారు. అవి చాలా విధాలుగా ఉపయోగపడతాయని ప్రధాని పేర్కొన్నారు. అనంతరం బెంగళూరుకు చెందిన స్టోరీ టెల్లింగ్‌ సొసైటీ సభ్యులతో మోదీ మాట్లాడారు. కథలు చెప్పే విధానం, కథలు ఎంచుకునే సమయంలో ఎటువంటి అంశాలు పరిగణనలోకి తీసుకుంటారని ప్రధాని వారిని అడిగి తెలుసుకున్నారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని