వైరల్‌: నెటిజన్ల హృదయాలు దోచిన రైతు

తాజా వార్తలు

Published : 18/09/2020 02:10 IST

వైరల్‌: నెటిజన్ల హృదయాలు దోచిన రైతు

ఇంటర్నెట్‌ డెస్క్‌: అన్నీ ఉన్నా మనలో చాలా మంది ఇతరులపై ఆధారపడుతుంటారు. పరాన్నజీవిగా కాలం వెళ్లదీస్తుంటారు. తన కాళ్లమీద నిలబడాలన్న ఆలోచన దరిదాపుల్లోకి కూడా రానీయరు. అలాంటిది దివ్యాంగుడైన ఈ రైతు.. ఇతరులపై ఆధారపడకుండా జీవితం కొనసాగిస్తున్నాడు. శరీరం సహకరించకున్నా పొలం పనులు చేసుకుంటూ నలుగురిలో స్ఫూర్తి నింపుతున్నాడు.

సుధా రామెన్‌ అనే ఐఎఫ్‌ఎస్‌ అధికారి తన ట్విటర్‌లో ఇటీవల ఓ వీడియోను పోస్ట్‌ చేశారు. అందులోని వ్యక్తి ఎవరు? ఎక్కడి వారు అనే వివరాలు వెల్లడించలేదు. కానీ ఆయనను ఆదర్శంగా తీసుకోవాలని సూచిస్తూ ఈ విధంగా ట్వీట్‌ చేశారు. ‘‘ప్రపంచంలో చాలా మంది పనిచేయకుండా ఉండేందుకు ఏదో వంక వెతుక్కునేందుకు ప్రయత్నిస్తారు. కానీ ఇక్కడ ఒక హీరో ఉన్నారు. నిశ్శబ్దంగా తన పని తాను చేసుకుపోతున్నారు. అతడి నుంచి ఎంతో నేర్చుకోవచ్చు’’ అని ట్వీటారు. ప్రస్తుతం ఈ ట్వీట్‌ వైరల్‌గా మారింది. సదరు రైతు కష్టాన్ని నెటిజన్లు ప్రశంసలతో మంచెత్తుతున్నారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని