AP News: అన్ని జిల్లాల్లో ఒకేలా కర్ఫ్యూ ఆంక్షలు

తాజా వార్తలు

Updated : 12/07/2021 13:27 IST

AP News: అన్ని జిల్లాల్లో ఒకేలా కర్ఫ్యూ ఆంక్షలు

అమరావతి: రాష్ట్రంలోని అన్ని జిల్లాల్లో ఒకే విధంగా కర్ఫ్యూ ఆంక్షలు అమలు చేయాలని ఏపీ ప్రభుత్వం నిర్ణయించింది. కొవిడ్‌ పరిస్థితులపై తాడేపల్లి క్యాంపు కార్యాలయంలో మంత్రులు, ఉన్నతాధికారులతో ఏపీ సీఎం జగన్‌ సమీక్ష నిర్వహించారు. మంత్రులు ఆళ్ల నాని, బొత్స సత్యనారాయణ, ఉన్నతాధికారులతో చర్చించారు. జిల్లాల వారీగా కేసుల వివరాలను అధికారులు సీఎం జగన్‌కు వివరించారు. అనంతరం కర్ఫ్యూపై సీఎం పలు కీలక నిర్ణయాలు తీసుకున్నారు. రాష్ట్రవ్యాప్తంగా రాత్రి 10 గంటల నుంచి ఉదయం 6 గంటల వరకు కర్ఫ్యూ అమలు కానుంది. ఉదయం 6 గంటల నుంచి రాత్రి 9 గంటల వరకు సడలింపు ఇచ్చారు.

రాత్రి 9 గంటలకు దుకాణాలు మూతపడాలని.. నిబంధనలు పాటించని దుకాణాలను 2-3 రోజులు మూసివేయాలని ప్రభుత్వం ఆదేశించింది. నిబంధనల ఉల్లంఘనపై ఫొటో తీసి పంపినా జరిమానాలు విధించాలని స్పష్టం చేసింది. ఫొటోలు పంపేందుకు ప్రత్యేక వాట్సాప్‌ నంబరును ఏర్పాటు చేయనున్నట్లు తెలిపింది. మరోవైపు ప్రజలెవరూ గుమిగూడకుండా రాష్ట్రవ్యాప్తంగా 144 సెక్షన్‌ను కఠినంగా అమలు చేయనున్నారు. మార్కెట్లు, ఇతర బహిరంగ ప్రదేశాల్లో మాస్కులు ధరించాలని ప్రభుత్వం కోరింది. అందరూ మాస్కులు ధరించేలా చూడాలని మార్కెట్‌ కమిటీలను ఆదేశించింది. మాస్కులు ధరించకపోతే రూ.100 జరిమానా విధించే నిబంధనను కచ్చితంగా అమలు చేయాలని స్పష్టం చేసింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని