AP News: ఆంజ‌నేయుడి జ‌న్మ‌స్థలంపై చ‌ర్చ‌

తాజా వార్తలు

Published : 27/05/2021 10:34 IST

AP News: ఆంజ‌నేయుడి జ‌న్మ‌స్థలంపై చ‌ర్చ‌

తిరుమ‌ల‌: ఆంజ‌నేయుడి జ‌న్మ‌స్థ‌లంపై వివాదం కొన‌సాగుతూనే ఉంది. అంజ‌నాద్రే ఆంజ‌నేయుడి జ‌న్మ‌స్థానం అంటూ శ్రీ‌రామ‌న‌వ‌మి ప‌ర్వ‌దినాన తితిదే చేసిన ప్ర‌క‌ట‌న ఖండిస్తూ ప‌లుమార్లు లేఖ రాసిన క‌ర్ణాట‌క‌లోని కిష్కింధ సంస్థానం నేడు చ‌ర్చ‌కు సిద్ధ‌మైంది. తిరుప‌తి రాష్ట్రీయ సంస్కృత పీఠాన్ని ఇరు వ‌ర్గాలు సంవాదానికి వేదిక‌గా ఖ‌రారు చేశారు. తిరుమ‌ల శ్రీ‌వారి ద‌ర్శనం కోసం వ‌చ్చిన శ్రీ హనుమాత్ జ‌న్మ‌భూమి తీర్థ క్షేత్ర‌ ట్ర‌స్ట్ ఫౌండ‌ర్ ట్ర‌స్టీ శ్రీ‌గోవిందానంద స‌ర‌స్వ‌తి తితిదే క‌మిటీని చ‌ర్చ‌కు రావాల‌ని ఆహ్వానించారు.

ఈ చ‌ర్చ ద్వారా పంపా క్షేత్ర కిష్కింధ‌నే హనుమాన్ జ‌న్మ‌స్థ‌లంగా నిరూపించాల‌ని శ్రీ హనుమాత్ జ‌న్మ‌భూమి తీర్థ క్షేత్ర‌ ట్ర‌స్ట్ నిర్వ‌హ‌కులు నిశ్చ‌యించారు. దీనిపై తితిదేకు స‌మాచారం ఇవ్వ‌గా ఈ ఉద‌యం 10 గంట‌ల‌కు ఇరు వ‌ర్గాలు చ‌ర్చ‌ను ప్రారంభించాయి. చ‌ర్చ ముగిసిన అనంత‌రం వివ‌రాల‌ను మీడియాకు వెల్ల‌డించే అవ‌కాశం ఉంది. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని