Bihar: ‘ఉచితంగా దుస్తులుతకాలి’.. వినూత్న షరతుతో నిందితుడికి బెయిల్‌

తాజా వార్తలు

Published : 24/09/2021 01:20 IST

Bihar: ‘ఉచితంగా దుస్తులుతకాలి’.. వినూత్న షరతుతో నిందితుడికి బెయిల్‌

పట్నా: మహిళలపై గౌరవాన్ని పెంపొందించే దిశగా ఓ అత్యాచార యత్నం కేసులో నిందితుడికి వినూత్నమైన షరతుతో బెయిల్‌ మంజూరు చేసింది బిహార్‌లోని ఝంఝార్‌పూర్‌ కోర్టు. ఆరు నెలలపాటు ఉచితంగా గ్రామానికి చెందిన మహిళలందరి దుస్తులను ఉతికి, ఇస్త్రీ చేసి ఇవ్వాలని ఆదేశాలు జారీ చేసింది. వివరాల్లోకి వెళ్తే.. మధుబని జిల్లా మఝోర్‌ గ్రామానికి చెందిన లల్లన్‌ కుమార్‌ (20).. ఓ మహిళపై అత్యాచారానికి యత్నించిన కేసులో ఈ ఏడాది ఏప్రిల్‌లో అరెస్టయ్యాడు. తాజాగా బెయిల్‌ కోసం కోర్టును ఆశ్రయించాడు. ఈ వ్యవహారంలో ఇరు వర్గాల మధ్య రాజీ కుదిరిందని న్యాయస్థానం దృష్టికి తీసుకొచ్చాడు.

నిందితుడికి వయస్సు తక్కువగా ఉందని, పైగా మహిళలపై తన గౌరవాన్ని చాటుకునేందుకు అతడు సమాజ సేవ చేయడానికి సిద్ధంగా ఉన్నాడని అతడి తరఫు న్యాయవాది కోర్టుకు వివరించారు. ఈ అంశాలను పరిగణనలోకి తీసుకున్న అడిషనల్‌ సెషన్స్‌ జడ్జి అవినాశ్‌ కుమార్‌.. ఇటీవల నిందితుడికి బెయిల్ మంజూరు చేస్తూ.. అతడు వచ్చే ఆరు నెలలపాటు గ్రామంలోని మహిళలందరి దుస్తులను ఉచితంగా ఉతకాలని, ఇస్త్రీ చేసి ఇవ్వాలని ఆదేశాలు జారీ చేశారు. మధ్యలోనే వెనక్కి తగ్గితే తమ దృష్టికి తీసుకురావాలని కోర్టు ఆ గ్రామ సర్పంచికి సూచించారు. మరోవైపు ఈ నిర్ణయంపై గ్రామ మహిళలు హర్షం వ్యక్తం చేశారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని