దిల్లీ మెట్రోలో వివాదాస్పద నినాదాలు

తాజా వార్తలు

Updated : 29/02/2020 18:17 IST

దిల్లీ మెట్రోలో వివాదాస్పద నినాదాలు

దిల్లీ: . దిల్లీ రాజీవ్‌చౌక్‌ మెట్రో స్టేషన్‌లో ‘దేశద్రోహులను కాల్చేయండి’ అంటూ కొంతమంది యువకులు నినాదాలు చేశారు. శనివారం ఉదయం 10.25గంటల ప్రాంతంలో రైలు స్టేషన్‌ నుంచి బయలుదేరుతున్న క్రమంలో ఈ నినాదాలు వినిపించాయి. ‘దేశ యువత సీఏఏకు మద్దతు ఇవ్వడంతో పాటు దేశాన్ని రక్షించేందుకు సిద్ధంగా ఉంది’ అనే అర్థం వచ్చేలా వారు నినాదాలు చేశారు. కొంతమంది ప్రయాణికులు తమ సెల్‌ఫోన్లలో వీడియోలు తీస్తూ కనిపించారు. ఆ వీడియో కాస్తా ఇప్పుడు ఇంటర్నెట్‌లో వైరల్‌గా మారింది.

అప్రమత్తమైన సీఐఎస్‌ఎఫ్‌(సెంట్రల్‌ ఇండస్ట్రియల్‌ సెక్యూరిటీ ఫోర్స్‌) అధికారులు ఆ నినాదాలు చేసిన ఆరుగురు యువకులను గుర్తించి అదుపులోకి తీసుకున్నారు. వాళ్లను దిల్లీ పోలీసులకు అప్పగించినట్లు తెలిపారు. ఇటీవల ఈశాన్య దిల్లీలో జిహాదీ టెర్రరిజానికి వ్యతిరేకంగా జంతర్‌మంతర్‌ వద్ద శాంతి ర్యాలీ నిర్వహించారు. భాజపా నేత కపిల్‌శర్మ కూడా ఇలాంటి నినాదాలే చేశారు. కోర్టు సైతం ఆయన వ్యాఖ్యలపై  తీవ్రంగా అభ్యంతరం వ్యక్తం చేసింది. గత వారం రోజుల్లోనే మరోసారి ఇలాంటి ఘటన చోటు చేసుకోవడంతో అలజడి ఏర్పడింది.

 

 

 

 



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని