ఒకరికి కరోనా: 54వేల మంది క్వారంటైన్‌

తాజా వార్తలు

Published : 04/04/2020 00:39 IST

ఒకరికి కరోనా: 54వేల మంది క్వారంటైన్‌

ఇంటర్నెట్‌ డెస్క్‌: గుజరాత్‌లో ఓ వ్యక్తికి కరోనా వైరస్‌ సోకడంతో దాదాపు 54,000 మంది ఇంట్లోనే క్వారంటైన్‌ కావాల్సి వచ్చింది. సూరత్‌లోని రాండర్‌ జోన్‌లో లాండ్రీ దుకాణం నడిపే ఓ వ్యక్తికి కొవిడ్‌-19 సోకింది. దీంతో ఆ దుకాణం చుట్టుపక్కల ఉన్న 16,785 ఇళ్లలో 54,003 మంది గృహ నిర్బంధంలోకి వెళ్లారు. 12 ఆస్పత్రులు, 23 మసీదులు, 22 ప్రధాన రహదారులు, 82 అంతర్గత దారులున్న ఈ ప్రాంతం మొత్తాన్ని అధికారులు క్రిమి సంహారకాలతో శుభ్రం (శానిటైజ్‌) చేయించారు.

రాండర్‌ జోన్‌లో జన సాంద్రత చాలా ఎక్కువ. అందుకే ఒక్కరికి కొవిడ్‌-19 సోకగానే అధికారులు అప్రమత్తం అయ్యారు. 55 బృందాలుగా విడిపోయి ఇంటింటి సర్వే చేపట్టారు. ఇక వైరస్‌ సోకిన వ్యక్తి (67 ఏళ్లు) ఐసోలేషన్‌కు పంపించారు. ఆయన భార్య, కుటుంబ సభ్యులు, బంధువులను క్వారంటైన్‌కు తరలించారు. లాండ్రీ దుకాణానికి కిలోమీటర్‌ పరిధిలో దారులన్నిటినీ బారికేడ్లతో మూసేశారు. ప్రస్తుతం భారత్‌లో 2088, గుజరాత్‌లో 87 మందికి కరోనా సోకింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని