మాస్కులు తయారుచేసి చూపించిన స్మృతి ఇరానీ

తాజా వార్తలు

Published : 10/04/2020 14:22 IST

మాస్కులు తయారుచేసి చూపించిన స్మృతి ఇరానీ

ఇంటర్నెట్‌ డెస్క్‌: భారత్‌లో కరోనా కేసుల సంఖ్య వేగంగా పెరుగుతోంది. కరోనా కట్టడికి లాక్‌డౌన్‌ నిబంధనలు కచ్చితంగా పాటించాలని.. బయటకి వస్తే మాస్క్‌ తప్పనిసరిగా ధరించాలని అధికారులు హెచ్చరిస్తున్నారు. ఈ నేపథ్యంలో కేంద్ర మంత్రి స్మృతి ఇరానీ ఇంట్లోనే మాస్కులను ఎలా తయారు చేసుకోవాలో వివరిస్తూ ఓ పోస్టు పెట్టారు. 

మాస్కులకు కొరత ఉన్న ప్రస్తుత తరుణంలో తిరిగి ఉపయోగించే మాస్కులను వాడటమే చక్కని ఉపాయమని ఆమె పేర్కొన్నారు. వాటిని ఇంట్లోనే సులభంగా ఎలా తయారుచేసుకోవాలో మంత్రి చేసి చూపించారు. శుభ్రమైన వస్త్రం, సూది, దారం సహాయంతో... చేతితోనే మాస్కు తయారీని చిత్రాల ద్వారా చక్కగా అర్థమయ్యేలా వివరించారు. తన పోస్టుకు ‘మాస్క్‌ఇండియా’ అనే హాష్‌టాగ్‌ను కూడా జతచేశారు. స్మృతి ఐడియా నెటిజన్లకు నచ్చేయటంతో కొద్ది గంటల్లోనే 50వేల లైక్‌లు వచ్చాయి. ‘ఇది గొప్ప ఐడియా మేడం’ అంటూ వేలాదిమంది ప్రశంసించారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని