వారందరికి ఒకేసారి పరీక్షలు..

తాజా వార్తలు

Published : 14/05/2020 23:19 IST

వారందరికి ఒకేసారి పరీక్షలు..

దిల్లీ: క్వారంటైన్‌లో ఉన్న వలస కార్మికులు, విదేశాల నుంచి వచ్చిన వారికి కొవిడ్ 19 స్క్రీనింగ్ కోసం ఒకేసారి ఎక్కువ మందికి ఆర్‌టీ-పీసీఆర్ పరీక్షలు  చేసేందుకు వీలుగా గురువారం కేంద్ర ప్రభుత్వం మార్గదర్శకాలు విడుదల చేసింది.  గ్రీన్‌ జోన్‌ (ఇప్పటి వరకు ఒక్క కేసు కూడా లేని ప్రాంతం లేక 21 రోజుల పాటు కొవిడ్ 19 కేసు నమోదు కాని ప్రాంతం)లలో పర్యవేక్షణ నిమిత్తం కేంద్రం ఈ పరీక్షా విధానాన్ని అమలు చేస్తుంది.

‘గ్రీన్‌ జోన్లలో నిర్వహించినట్లుగా ప్రస్తుతం క్వారంటైన్‌లో ఉన్న  వలస కార్మికులు, విదేశాల నుంచి తిరిగి వచ్చిన వారిని పర్యవేక్షించడానికి  ఒకేసారి ఎక్కువ మందికి ఆర్‌టీ-పీసీఆర్‌  చేసేలా నిర్ణయం తీసుకున్నాం’ అని ఆ మార్గదర్శకాల్లో కేంద్రం పేర్కొంది. వాటి ప్రకారం..శిక్షణ పొందిన వ్యక్తి ఆప్రాన్‌,గ్లౌజులు, ఫేస్‌ షీల్డ్, ఎన్‌ 95మాస్క్ ధరించి 25 మంది వ్యక్తులను గుర్తించి వారి నమూనాలు సేకరించాలి. వారి నమూనాలు భద్రపరిచిన కంటైనర్‌ మీద లేబులింగ్ సరిగా ఉండాలి. వాటిని మూడు పొరలతో కూడిన ప్యాకింగ్‌లో తక్కువ ఉష్ణోగ్రతల వద్ద ఉంచి గుర్తింపు పొందిన ల్యాబ్‌కు తరలించి ఆర్‌టీ-పీసీఆర్‌ విధానంలో పరీక్షించాలి. పరీక్షా వివరాలను 24 గంటల్లోగా క్వారంటైన్ కేంద్రానికి పంపాలి. 
‘ఎక్కువ మంది నమూనాలు సేకరించి నిర్వహించిన పరీక్షల్లో కరోనా పాజిటివ్ అని తేలితే, ల్యాబ్‌లో అప్పటికే భద్రపరిచిన నమూనాలను విడివిడిగా పరీక్షించాలి’అని వాటిలో పేర్కొంది. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని