పడుకుని అలా న్యాయమూర్తి ముందుకు..

తాజా వార్తలు

Published : 21/06/2020 01:11 IST

పడుకుని అలా న్యాయమూర్తి ముందుకు..

మందలించిన ఉన్నత న్యాయస్థానం

దిల్లీ: టీ షర్టు ధరించి, మంచం మీద పడుకుని వర్చువల్ హియరింగ్‌కు హాజరైన ఓ న్యాయవాదిని సుప్రీంకోర్టు మందలించింది. ‘కనీస కోర్టు మర్యాదలు’ పాటించాలని సూచించింది. వీడియో కాన్ఫరెన్స్‌ ద్వారా విచారణకు హాజరయ్యే న్యాయవాదులు ‘ప్రదర్శించదగిన’ దుస్తులను మాత్రమే ధరించాలని స్పష్టం చేసింది. వివరాల్లోకి వెళితే.. హరియాణా రేవారిలోని ఫ్యామిలీ కోర్టులో ఓ కేసు పెండింగ్‌లో ఉంది. ఆ కేసును బిహార్‌ జెహానాబాద్‌లోని కోర్టుకు బదిలీ చేయాలని కోరుతూ జూన్‌ 15న ఉన్నత న్యాయస్థానంలో పిటిషన్‌ వేసే క్రమంలో ఓ న్యాయవాది టీషర్టు ధరించి, మంచం మీద పడుకుని వీడియో కాన్ఫరెన్స్‌లో మాట్లాడారు. దీంతో న్యాయమూర్తి ఆగ్రహం వ్యక్తం చేయడంతో సదరు న్యాయవాది క్షమాపణలు కోరారు. ఈ సందర్భంగా జస్టిస్‌ రవీంద్ర భట్ మాట్లాడుతూ.. ‘వీడియో కాన్ఫరెన్స్‌ ద్వారా జరిగే కోర్టు విచారణలలో హాజరయ్యే న్యాయవాదులు పద్ధతిగా కనిపించాలి. సమాజం ఇబ్బందిపడే విధంగా వ్యవహరించకూడదు. మంచి దుస్తులు ధరించి, కోర్టు మర్యాదలు పాటించాలి’ అని పేర్కొన్నారు.  

కరోనా మహమ్మారి విజృంభణతో పనితీరును పరిమితం చేసిన సుప్రీం కోర్టు, ప్రస్తుతం వీడియో కాన్ఫరెన్స్‌ ద్వారా కేసులను పరిష్కరిస్తోంది. ఈ ఏడాది ఏప్రిల్‌లో రాజస్థాన్ హైకోర్టు వీడియో కాన్ఫరెన్స్‌ ద్వారా నిర్వహించిన బెయిల్ విచారణలో ఒక న్యాయవాది ఇదే తరహాలో హాజరవడంపై ఆ కోర్టు ఆగ్రహం వ్యక్తం చేసింది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని