మాజీ ప్రధాని దేవెగౌడకు కరోనా పాజిటివ్‌
close

తాజా వార్తలు

Published : 31/03/2021 14:46 IST

మాజీ ప్రధాని దేవెగౌడకు కరోనా పాజిటివ్‌

బెంగళూరు: భారత మాజీ ప్రధాని హెచ్‌డీ దేవెగౌడ కరోనా వైరస్‌ బారిన పడ్డారు. దేవెగౌడతో పాటు ఆయన సతీమణి చెన్నమ్మకు సైతం కరోనా పాజిటివ్‌గా నిర్ధారణ అయింది. ఈ విషయాన్ని ఆయనే స్వయంగా ట్విటర్‌ ద్వారా వెల్లడించారు. ‘నాకు, నా సతీమణి చెన్నమ్మకు కరోనా వైరస్‌ పాజిటివ్‌గా నిర్ధారణ అయింది. దీంతో మా ఇద్దరితో పాటు ఇతర కుటుంబసభ్యులమంతా సెల్ఫ్‌ ఐసోలేషన్‌లో ఉన్నాం. గత కొద్ది రోజులుగా నన్ను కలిసిన వారు పరీక్షలు చేయించుకోవాల్సిందిగా విజ్ఞప్తి చేస్తున్నా. జేడీఎస్‌ కార్యకర్తలు, శ్రేయోభిలాషులు ఎలాంటి దిగులు చెందవద్దని కోరుతున్నా’ అని దేవెగౌడ ట్వీట్‌లో పేర్కొన్నారు. దేవెగౌడకు కరోనా సోకిందని సమాచారం అందుకున్న ప్రధాని మోదీ వెంటనే ఆయనకు ఫోన్‌ చేసి దంపతుల ఆరోగ్యం గురించి ఆరా తీశారు. ఆయన త్వరగా కోలుకోవాలని ప్రార్థిస్తున్నట్లు మోదీ ట్వీట్‌ చేశారు.




Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని