ఈ దీవిని మీరూ కొనుక్కోవచ్చు!

తాజా వార్తలు

Published : 24/03/2021 20:24 IST

ఈ దీవిని మీరూ కొనుక్కోవచ్చు!

ఇంటర్నెట్‌డెస్క్‌: చుట్టూ నీరు.. మధ్యలో మీరు.. ఇల్లు కట్టుకుని ఎంచక్కా ప్రకృతి ఒడిలో సేదదీరాలని అనుకుంటున్నారా! అయితే దానికి ఏ దీవో కావాలి. మరి అలాంటి అవకాశం ఉందంటారా! ఇదిగో ఈ దీవిని అమ్ముతున్నారట. అదేంటో చూద్దాం రండి.. 

స్కాట్లాండ్‌కు చెందిన హైలాండ్‌లో 11 ఎకరాల దీవి ఉంది. దీన్ని ‘డీర్‌’ ఐలాండ్‌ అనీ, ‘ఈలీన్‌ ఏన్‌ ఎఫెయిద్‌’ అనీ పిలుస్తారు. అయితే ఈ ‘డీర్‌ ఐలాండ్‌’ చుట్టు పక్కల ఇళ్లులేవు. మనుషులు కూడా సంచరించరు. అలాగనీ దీన్నిప్పుడు వదిలేస్తే, ఇక జీవితంలో కొనలేరని దీన్ని అమ్మే ఏజెంట్లు చెబుతున్నారు. అందుకే ప్యూచర్‌ ప్రాపర్టీ కింద ఈ దీవిని ఇప్పుడే సొంతం చేసుకోమని సలహా ఇస్తున్నారు. కానీ అంత తక్కువకి ఎందుకు అమ్ముతున్నారు? అని సందేహపడుతున్నారా? 

ఇంతకీ అసలు సంగతేంటంటే ఈ ఐలాండ్‌.. ఒకప్పుడు మొయిడార్ట్‌ రాజవంశానికి చెందిన క్లారానాల్డ్‌ అధీనంలో ఉండేదట. కానీ ప్రస్తుతానికి దీనికి యజమానులెవరూ లేరట. అందుకే అక్కడి ఏజెంట్లు దీన్ని వేలం వేయాలని నిర్ణయించుకున్నారు. మార్చి 26న ఈ దీవిని 80 లక్షల రూపాయల (80 వేల పౌండ్లు) ప్రారంభ విలువతో వేలం పాట నిర్వహిస్తారు. అయితే బిలియనీర్లకి ఈ మొత్తం పెద్ద ఎక్కువేం కాదనుకోండి. అంతేకాక ఇలాంటి దీవిని సొంతం చేసుకోవడానికి ఎంతయినా ఖర్చు పెడతారు. కాబట్టి దీన్ని ఎవరు దక్కించుకుంటారో తెలియాలంటే ఇంకో 3 రోజులు వేచి చూడాలి. మరి మీకూ ఆ దీవిని చూడాలనుంటే జర ఓ లుక్కేయండి!!


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని