విమానాశ్రయ సిబ్బందికి టీకాలు
close

తాజా వార్తలు

Published : 23/01/2021 23:20 IST

విమానాశ్రయ సిబ్బందికి టీకాలు

వారూ ఫ్రంట్‌లైన్‌ వర్కర్లేనన్న కర్ణాటక ప్రభుత్వం

బెంగళూరు: విమానాశ్రయాల్లో పనిచేసే సిబ్బందికి ప్రాధాన్యతనిచ్చి వ్యాక్సిన్‌ను అందించాలని కర్ణాటక ప్రభుత్వం నిర్ణయించింది. ఈ మేరకు ఆరోగ్య, కుటుంబ సంక్షేమశాఖ కమిషనర్‌ శనివారం సర్య్కులర్‌ జారీ చేశారు. విమానాశ్రయాల్లో పనిచేసే సిబ్బందిని ఫ్రంట్‌లైన్‌ వర్కర్స్‌గా గుర్తించి మొదటి దశలోనే వారికి వ్యాక్సిన్‌ను అందించనున్నట్లు వారు తెలిపారు. ఈ నేపథ్యంలో కెంపెగౌడ, మంగళూరు, బెళగావి, హుబ్బళి-ధార్వాడ్‌, కలబురిగి, మైసూరు, బీదర్‌ విమానాశ్రయ అధికారులకు సమాచారం అందించారు. విమానాశ్రయ సిబ్బందికి వ్యాక్సిన్‌ అందించేందుకు అన్ని ఏర్పాట్లు పూర్తి చేయాలని ఆయా జిల్లాల అధికారులకు ఆదేశాలు జారీ చేశారు. విమానాశ్రయాల్లో పనిచేసే ప్రతి ఒక్కరికీ వ్యాక్సిన్‌ అందేలా చర్యలు తీసుకోవాలని సూచించారు. కాగా ఇప్పటి వరకూ కర్ణాటకలో 1,38,656 మంది వ్యాక్సిన్‌ తీసుకున్నారని కర్ణాటక ఆరోగ్యశాఖ మంత్రి సుధాకర్‌ తెలిపారు. వ్యాక్సిన్‌ తీసుకున్న వారిలో 2శాతం మందికి మాత్రమే స్వల్ప ఇబ్బందులు తలెత్తాయని ఆయన వెల్లడించారు.

ఇవీ చదవండి..

నన్ను అవమానించారు..మాట్లాడను

భారత్‌కు బ్రెజిల్‌ అధ్యక్షుడి వినూత్న కృతజ్ఞత


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని