బిల్లు ₹2 వేలు.. టిప్పు ₹11 లక్షలు..!
close

తాజా వార్తలు

Published : 25/06/2021 01:13 IST

బిల్లు ₹2 వేలు.. టిప్పు ₹11 లక్షలు..!

ఇంటర్నెట్ డెస్క్: ఏదైనా హోటల్‌కు వెళ్తే బిల్లు చెల్లించే సమయంలో సర్వర్ టిప్పు అడగడం ఈ రోజుల్లో సాధారణమే. చాలామంది తాము చెల్లించే బిల్లులో 10 నుంచి 20 శాతం సొమ్మును టిప్పుగా ఇస్తుంటారు. కొందరు అంతకన్నా ఎక్కువ ఇస్తే.. అసలేమీ ఇవ్వనివారినీ మనం చూస్తుంటాం. కానీ ఓ వ్యక్తి తాను చెల్లించాల్సిన బిల్లు కంటే దాదాపు 400 రెట్లు డబ్బును టిప్పుగా ఇచ్చి తన దాతృత్వాన్ని చాటుకున్నాడు. తన ఉనికిని సైతం గోప్యంగా ఉంచాడు. అయితే ఇది జరిగింది అమెరికాలోని న్యూ హాంప్‌షైర్‌లోని ఓ రెస్టారెంట్‌లో. ఆ బిల్లు ఫొటోను రెస్టారెంట్ యజమాని ఫేస్‌బుక్‌లో పోస్టు చేయడంతో అది వైరల్‌గా మారింది. నెటిజన్లంతా ఆ కస్టమర్‌ను పొగడ్తలతో ముంచెత్తుతున్నారు. 

న్యూ హాంప్‌షైర్‌లోని స్టంబుల్‌ ఇన్‌ బార్ అండ్‌ రెస్టారెంటుకు ఇటీవల ఓ కస్టమర్‌ వచ్చాడు. ఓ పానీయం, మరికొన్ని ఆహార పదార్థాలను ఆర్డర్‌ చేశాడు. అందుకు బిల్లు 37 డాలర్లు (సుమారు రూ.2700) అయ్యిందంటూ రెస్టారెంటులో వెయిటర్‌గా పని చేస్తున్న ఓ మహిళ దానిని అయనకు ఇచ్చింది. దానిపై ఆ కస్టమర్‌ టిప్పుగా 16 వేల డాలర్లు (సుమారు రూ.11 లక్షలు) ఇస్తున్నట్లు రాశాడు. ‘ఈ డబ్బును అంతా ఒకే చోట ఖర్చు చేయకు’ అని ఆయన చెప్పడంతో ఆ మహిళ దానిని చూసింది. అంతే.. అందులో టిప్పుగా రాసిన మొత్తాన్ని చూసి ఆమె అవాక్కయింది. విషయం తెలుసుకున్న రెస్టారెంట్ యజమాని ఆ టిప్పును తన సిబ్బందికి పంచాడు. ఆయన దాతృత్వాన్ని కొనియాడుతూ ఫేస్‌బుక్‌లో ఆ బిల్లు ఫొటోను షేర్‌ చేశాడు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని