TS news: ఇది ధర్మాసనంపై దాడే: హైకోర్టు

తాజా వార్తలు

Updated : 05/07/2021 16:11 IST

TS news: ఇది ధర్మాసనంపై దాడే: హైకోర్టు

హైదరాబాద్‌: కృష్ణా బేసిన్‌లో విద్యుదుత్పత్తి ఆపాలంటూ కృష్ణా జిల్లా రైతులు వేసిన పిటిషన్‌పై తెలంగాణ హైకోర్టు విచారణ చేపట్టింది. తెలంగాణ ఇచ్చిన జీవో 34పై వేసిన లంచ్‌మోషన్‌ పిటిషన్‌పై జస్టిస్‌ రామచంద్రారావు, జస్టిస్‌ వినోద్‌కుమార్‌ ధర్మాసనం విచారణ చేపట్టింది. అయితే పిటిషన్‌ను సీజే ధర్మాసనం ముందుంచాలని తెలంగాణ ఏజీ ప్రసాద్‌ కోరారు. విచారణ జరపాలని సీజే తమను ఆదేశించారని ధర్మాసనం పేర్కొంది. ఏజీ స్థాయి అధికారి నుంచి అసమంజస అభ్యర్థన సరికాదని పేర్కొంది. సీజే ధర్మాసనం ఎదుట విచారించాలనడం తమ ధర్మాసనంపై దాడేనని హైకోర్టు వ్యాఖ్యానించింది. అంతర్రాష్ట్ర జల వివాదాల్లో కోర్టులు జోక్యం చేసుకోవచ్చా? అని ప్రశ్నించింది. రాజోలిబండ ప్రాజెక్టుపై సుప్రీం తీర్పును అధ్యయనం చేయాలని సూచించింది. దీనిపై రేపు వాదనలు వినిపించాలని పిటిషనర్‌, కేంద్రం, తెలుగు రాష్ట్రాలను ఆదేశించింది. తెలంగాణ చేస్తున్న విద్యుత్‌ ఉత్పత్తి ఇంధనశాఖ పునర్విభజన చట్టానికి వ్యతిరేకంగా ఉందని కృష్ణా జిల్లా రైతులు తమ పిటిషన్‌లో పేర్కొన్నారు. విద్యుత్‌ ఉత్పత్తి కోసం నీటిని వాడొద్దని అభ్యంతరం తెలిపారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని