World Food Day: మంచి ఆహారపు అలవాట్లు అలవర్చుకోండి!

తాజా వార్తలు

Published : 17/10/2021 01:43 IST

World Food Day: మంచి ఆహారపు అలవాట్లు అలవర్చుకోండి!

ఆహారపు అలవాట్లపై మరింత శ్రద్ధ పెట్టాలన్న విషయాన్ని కొవిడ్‌-19 మరోసారి తెలియజేసింది. శుభ్రమైన.. మంచి ఆహారం తీసుకుంటూనే ఆరోగ్యంగా ఉండగలం. వ్యాధి నిరోధక శక్తి లభించి.. వ్యాధుల నుంచి మనల్ని మనం కాపాడుకోగలం. నేడు ప్రపంచ ఆహార దినోత్సవం సందర్భంగా.. మంచి ఆహారపు అలవాట్లు అలవర్చుకోవడం ప్రారంభించండి. అందుకోసం ఈ చిట్కాలను పాటించండి..

* భోజనంలో అని రకాల పోషకాలు వచ్చేలా సమతుల్యం పాటించాలి. ఆహారంలో ఆకుకూరలు, చిరుధాన్యాలు, కూరగాయలు, పాల ఉత్పత్తులు ఉండేలా చూడాలి. సీజనల్‌గా వచ్చే పండ్ల(పుచ్చకాయలు, దానిమ్మ, సీతాఫలం వంటివి)ను ఆహారంలో భాగం చేసుకోవాలి.

* నూనె ఎక్కువగా ఉపయోగించే చిప్స్‌, ఫ్రైస్‌ వంటి అల్పాహారానికి దూరంగా ఉండండి. వీటికి బదులు బాదం, పిస్తా, ఎండు ద్రాక్ష, వాల్‌నట్స్‌, వేరుశెనగలను అల్పాహారంగా తీసుకోవచ్చు.

* ఆహారంలో తీపి మోతాదును బాగా తగ్గించండి. చక్కెర వాడాల్సిన చోట వీలైతే బెల్లం, తేనెను ఉపయోగించొచ్చు. తీపి పదార్థాలకు బదులు పండ్లు తినడం అలవాటు చేసుకుంటే మరీ మంచిది.

* చాలా మంది టీవీ చూస్తూ ఎంత తింటున్నామో కూడా గుర్తించలేకపోతున్నారు. అది ఆరోగ్యానికి మంచిది కాదు. ఆహారం పరిమాణంపై దృష్టి పెట్టాలి. ఎక్కువ తింటే భుక్తాయాసం, అజీర్తి, ఊబకాయం వంటి సమస్యలు తలెత్తొచ్చు. కాబట్టి.. తగినంత పరిమాణంలో ప్రతి రోజు.. వేళకి తినండి.

* బయట లభించే ప్రాసెస్డ్‌ ఫుడ్‌, ఫాస్ట్‌ఫుడ్‌ను తినడం మానేయండి. ఏదైనా తినాలిపిస్తే.. ఇంట్లోనే వండుకొని తినండి.

* శరీరం నిర్జలీకరణమై.. అలసిపోకుండా ఉండాలంటే.. రోజూ కనీసం 8 - 10 గ్లాసుల నీరు తాగండి. నీటికి బదులుగా కొబ్బరినీళ్లు, పండ్ల రసాలు, బట్టర్‌ మిల్క్‌ వంటి ద్రవ పదార్థాలు తీసుకున్నా ఆరోగ్యానికి మంచిదే.

- ఇంటర్నెట్‌ డెస్క్‌


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని