Chennamaneni Ramesh: చెన్నమనేని రమేశ్‌ పౌరసత్వ వివాదంపై హైకోర్టులో విచారణ

తాజా వార్తలు

Updated : 27/07/2021 15:38 IST

Chennamaneni Ramesh: చెన్నమనేని రమేశ్‌ పౌరసత్వ వివాదంపై హైకోర్టులో విచారణ

హైదరాబాద్‌: వేములవాడ ఎమ్మెల్యే చెన్నమనేని రమేశ్‌ పౌరసత్వ వివాదంపై మరోసారి హైకోర్టులో విచారణ జరిగింది. చెన్నమనేని ద్వంద్వ పౌరసత్వం కలిగి ఉన్నారంటూ గతంలో ఆది శ్రీనివాస్‌ అనే వ్యక్తి హైకోర్టులో పిటిషన్‌ దాఖలు చేశారు. దీనిపై గతకొంతకాలంగా విచారణ జరుగుతోంది. ఈ క్రమంలో ఏడాది క్రితం కేంద్ర హోంశాఖ చెన్నమనేని పౌరసత్వాన్ని రద్దు చేస్తున్నట్లు ప్రకటించింది. దీనిపై ఆయన హైకోర్టును ఆశ్రయించారు. ఈ వివాదంపై ఇవాళ హైకోర్టులో మరోసారి విచారణ జరిగింది. భారత పౌరసత్వంతోనే చెన్నమనేని జర్మనీ వెళ్లొచ్చారని ఆయన తరఫు న్యాయవాది కోర్టుకు వివరించారు. రమేశ్ జర్మనీ పౌరుడేనని.. ఇప్పటికీ అక్కడే ఉన్నారని పిటిషనర్‌ ఆది శ్రీనివాస్‌ మరోసారి న్యాయస్థానం దృష్టికి తీసుకొచ్చారు. ఈ వివాదానికి సంబంధించి చాలా పత్రాలు ఉన్నందున పుస్తకం రూపంలో ఇవ్వాలని ఆదేశించిన ఉన్నత న్యాయస్థానం విచారణను ఆగస్టు 11కి వాయిదా వేసింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని