AP News: పోలీస్‌శాఖలో పోస్టల్‌ బ్యాలెట్ల కలకలం.. కానిస్టేబుల్‌ వీడియో వైరల్‌

తాజా వార్తలు

Updated : 09/08/2021 13:50 IST

AP News: పోలీస్‌శాఖలో పోస్టల్‌ బ్యాలెట్ల కలకలం.. కానిస్టేబుల్‌ వీడియో వైరల్‌

ఒంగోలు: ప్రకాశం జిల్లాలోని సుమారు 700 పోస్టల్ బ్యాలెట్ ఓటర్ల వివరాలను ఓ పార్టీకి ఇచ్చామంటూ స్పెషల్ బ్రాంచ్‌ హెడ్ కానిస్టేబుల్ నర్రా వెంకటరెడ్డి చేసిన వ్యాఖ్యలు.. తీవ్ర దుమారాన్ని రేపుతున్నాయి. ప్రస్తుత పార్టీ అధికారంలోకి రావడానికి కృషి చేసిన ఉద్యోగులకు న్యాయం చేయాలంటూ కానిస్టేబుల్ కోరిన వీడియో ఇప్పుడు సామాజిక మాధ్యమాల్లో హాల్‌చల్‌ చేస్తోంది. పలు శాఖల ప్రభుత్వ ఉద్యోగులతో గతనెల 30న ఒంగోలులో జరిగిన ప్రత్యేక సమావేశంలో మంత్రి బాలినేని శ్రీనివాసరెడ్డి తనయుడు ప్రణీత్ రెడ్డి ముఖ్య అతిథిగా హాజరయ్యారు. 

ఈ సమావేశంలోనే  హెడ్ కానిస్టేబుల్ నర్రా వెంకటరెడ్డి మాట్లాడుతూ గత ఎన్నికల్లో తనతోపాటు మరో ఆరుగురు పోస్టల్ బ్యాలెట్లను సేకరించామని.. తమ కృషికి మేలు చేసే పరిస్థితి కల్పించాలని కోరారు. గత ప్రభుత్వంలో ఉన్నవారే ఇప్పటికీ కీలక స్థానాల్లో ఉన్నారని.. ఈ విషయాన్ని మంత్రి దృష్టికి పలుమార్లు తీసుకెళ్లామని చెప్పారు. మీరైనా న్యాయం చేయాలని ప్రణీత్ రెడ్డిని కోరారు. ఆ వ్యాఖ్యల వీడియో వారం రోజుల తర్వాత సామాజిక మాధ్యమాల ద్వారా వెలుగులోకి రావడంతో తీవ్రంగా పరిగణించిన ప్రకాశం జిల్లా ఎస్పీ మలికా గార్గ్.. కానిస్టేబుల్‌ను వేకెన్సీ రిజర్వు (వీఆర్)కు  పంపుతూ ఉత్తర్వులు జారీ చేశారు. ఈ సమావేశానికి ఎవరెవరు హాజరయ్యారనే కోణంలో పోలీసు అధికారులు ఆరా తీస్తున్నారు.



Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని