CBI-ED: జగతి పబ్లికేషన్స్‌ కేసులో దర్యాప్తు పూర్తయింది: ఈడీ

తాజా వార్తలు

Updated : 30/09/2021 01:22 IST

CBI-ED: జగతి పబ్లికేషన్స్‌ కేసులో దర్యాప్తు పూర్తయింది: ఈడీ

హైదరాబాద్‌: జగతి పబ్లికేషన్స్‌లో పెట్టుబడుల కేసులో దర్యాప్తు పూర్తయిందని సీబీఐ కోర్టుకు     ఎన్‌ఫోర్స్‌మెంట్‌ డైరేక్టరేట్‌ (ఈడీ) తెలిపింది. జగన్‌, విజయసాయిరెడ్డి, జగతి పబ్లికేషన్స్‌ ప్రమేయంపై దర్యాప్తు పూర్తయిందని పేర్కొంటూ సీబీఐ కోర్టులో ఈడీ మెమో దాఖలు చేసింది.  అభియోగాల నమోదు, డిశ్ఛార్జి పిటిషన్లపై వాదనలు వినిపించాలని జగన్‌, విజయసాయిరెడ్డి, జగతి పబ్లికేషన్స్‌ను సీబీఐ కోర్టు ఆదేశించింది.  వాదనలు వినిపించేందుకు ఇదే చివరి అవకాశమని న్యాయస్థానం స్పష్టం చేసింది. జగన్‌, విజయసాయిరెడ్డి డిశ్ఛార్జి పిటిషన్లపై కౌంటర్లు దాఖలు చేసేందుకు సీబీఐ మరోసారి గడువు కోరింది. శామ్యూల్‌ డిశ్ఛార్జి పిటిషన్‌పై వాదనల కోసం ఇండియా సిమెంట్స్‌ కేసును అక్టోబరు 1కి, రాజగోపాల్‌ డిశ్ఛార్జి పిటిషన్‌పై వాదనల కోసం రఘురాం సిమెంట్స్‌ కేసు అక్టోబరు 4కి వాయిదా పడింది. ఎమ్మార్‌ కేసులో కోనేరు మధు ప్రమేయంపై సమాచారం కోరుతూ విదేశాలకు పంపించిన ఎల్‌ఓఆర్‌లు ఏ స్థాయిలో ఉన్నాయో తెలపాలని సీబీఐని కోర్టు ఆదేశించింది. ఎమ్మార్‌ కేసులో తదుపరి దర్యాప్తుపై వివరాలు తెలిపేందుకు  రెండు వారాలు గడువు కావాలని ఈడీ కోరింది. ఎమ్మార్‌ ఈడీ కేసును అక్టోబరు 12కి, సీబీఐ కేసును అక్టోబరు 4కి వాయిదా వేసింది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని