Ratan Tata: బిజీబిజీగా ఉండే ముంబయిలో..ఇదొక అపురూప దృశ్యం!

తాజా వార్తలు

Published : 25/09/2021 01:23 IST

Ratan Tata: బిజీబిజీగా ఉండే ముంబయిలో..ఇదొక అపురూప దృశ్యం!

తమ ఉద్యోగి చూపిన చొరవకు టాటా మెచ్చుకోలు

ముంబయి: వర్షాకాలం చిరుజల్లులు ఆహ్లాదంగానే ఉన్నా.. భారీ వర్షాలు మాత్రం ఇబ్బంది పెడుతుంటాయి. వాటిని దాటుకొని మనం ఎలాగో ఇంటికెళ్లిపోతాం. కానీ, వీధుల్లో ఉండే మూగ జీవాలు మాత్రం వర్షంలో తడిసి ముద్దయిపోతాయి. ఖాళీ భవనాల్లోనో, వాహనాల కిందో.. వాటికి అనువైన దగ్గర చేరతాయి. కొన్నింటికి ఆ అవకాశం కూడా ఉండదు. వాటి గురించి ఆలోచిస్తే.. ఎంతోకొంత మనమూ చేయొచ్చని నిరూపించే చిత్రం ఒకదాన్ని ప్రముఖ వ్యాపారవేత్త రతన్‌టాటా ఇన్‌స్టాగ్రాంలో షేర్ చేశారు. తాజ్‌ మహల్ ప్యాలెస్‌ హోటల్‌కు చెందిన ఉద్యోగి చూపిన చొరవను మెచ్చుకున్నారు. 

‘ఈ వర్షాకాలం మన సౌకర్యాల్లో కొంత..వీధి జంతువుల కోసం. భారీ వర్షం పడుతున్న సమయంలో ఈ తాజ్‌ ఉద్యోగి దయాగుణం చూపారు. తన గొడుకు కింద శునకానికి కొంత చోటిచ్చారు. నిత్యం బిజీగా ఉండే ముంబయి వీధుల్లో ఈ అపురూప దృశ్యం కెమెరా కంటికి చిక్కింది. ఈ మాత్రం చొరవ వీధి జీవాలకు ఎంతో ఉపయోగకరంగా ఉంటుంది’ అంటూ రతన్‌ టాటా ఇన్‌స్టాగ్రాంలో రాసుకొచ్చారు. ఆ వెంటనే ఆ చిత్రం నెట్టింట్లో వైరల్‌గా మారింది. టాటాతో పాటు నెటిజన్లనూ మెప్పించింది. 

వ్యాపార దిగ్గజం రతన్ టాటాకు శునకాలంటే అమిత ప్రేమ. టాటా గ్రూప్ కేంద్ర కార్యాలయం బాంబే హౌస్‌లో శునకాల కోసం ప్రత్యేకంగా ఒక కెన్నెల్ ఉంది. ఆ ప్రాంతంలోని వీధి కుక్కల బాగోగుల కోసం దాన్ని ఏర్పాటు చేశారు. కాగా, తాజ్‌ మహల్ ప్యాలెస్ హోటల్‌..టాటా గ్రూప్‌లో భాగమే.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని