CM KCR: దళితబంధు కేవలం కార్యక్రమం కాదు.. ఉద్యమం: కేసీఆర్‌

తాజా వార్తలు

Updated : 26/07/2021 16:43 IST

CM KCR: దళితబంధు కేవలం కార్యక్రమం కాదు.. ఉద్యమం: కేసీఆర్‌

హైదరాబాద్‌: దళితబంధు కేవలం కార్యక్రమం కాదని.. ఉద్యమమని తెలంగాణ సీఎం కేసీఆర్‌ అన్నారు. రాష్ట్ర ప్రభుత్వం త్వరలో అమలు చేయనున్న ఈ కార్యక్రమంపై ప్రగతిభవన్‌లో అవగాహన సదస్సు నిర్వహించారు. ఈ సదస్సుకు హుజూరాబాద్‌ నియోజకవర్గం నుంచి ఎస్సీ ప్రతినిధులు హాజరయ్యారు. ఈ సందర్భంగా వారిని ఉద్దేశించి సీఎం మాట్లాడారు. దళితబంధు లక్ష్యాలు, అమలు, కార్యాచరణపై కేసీఆర్‌ వారికి దిశానిర్దేశం చేశారు. హుజూరాబాద్‌ నియోజకవర్గంలో దీన్ని విజయవంతం చేయాలని కోరారు.

దళితబంధు అమలు ప్రభావం యావత్‌ తెలంగాణపై ఉంటుందని.. దీని విజయవంతానికి అందరూ దృఢ నిర్ణయం తీసుకోవాలన్నారు. నమ్మిన ధర్మానికి కట్టుబడి కొనసాగితే విజయం సాధ్యమని.. మనలో పరస్పర విశ్వాసం, సహకారం పెరగాలని సూచించారు. పరస్పర సౌభ్రాతృత్వం పెంచుకుంటేనే విజయానికి బాటలు పడతాయని సీఎం చెప్పారు. దళితవాడల్లో అన్ని రకాల మౌలిక వసతులు కల్పించాలని, పది రోజుల్లో దళితుల భూ సమస్యలు పరిష్కరించాలని అధికారులను ఆదేశించారు. హుజూరాబాద్‌లో భూ సమస్యల పరిష్కానికి కలెక్టర్‌ ప్రత్యేక డ్రైవ్‌ చేపట్టాలన్నారు. హుజూరాబాద్‌లో ఇల్లులేని దళిత కుటుంబం ఉండకూడదన్నారు. ఖాళీ స్థలం ఉంటే ఇంటి నిర్మాణానికి ప్రభుత్వం ఆర్థిక సాయం చేస్తుందని ముఖ్యమంత్రి భరోసా ఇచ్చారు.  రాష్ట్రవ్యాప్తంగా దళితులకు ఇళ్ల నిర్మాణానికి ఆర్థికసాయం చేస్తామన్నారు. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని