TS: స్కూలు ఫీజులు పెంచితే గుర్తింపు రద్దు!

తాజా వార్తలు

Updated : 06/07/2021 17:50 IST

TS: స్కూలు ఫీజులు పెంచితే గుర్తింపు రద్దు!

జీవో జారీచేసిన తెలంగాణ ప్రభుత్వం

హైదరాబాద్‌: తెలంగాణలోని ప్రైవేటు పాఠశాలల్లో ఫీజులపై రాష్ట్ర ప్రభుత్వం జీవో జారీచేసింది. ఈ విద్యా సంవత్సరం ప్రైవేటు పాఠశాలలు ఫీజులు పెంచొద్దని ఆదేశించింది. బోధనా రుసుము మాత్రమే నెల వారీగా తీసుకోవాలని తేల్చి చెప్పింది. రాష్ట్ర, సీబీఎస్‌ఈ, ఇతర బోర్డు పాఠశాలలకు ఈ ఆదేశాలను వర్తింపజేస్తున్నట్టు వెల్లడించింది. జీవోను ఉల్లంఘిస్తే గుర్తింపు రద్దు చేస్తామని హెచ్చరించింది.

మరోవైపు, తెలంగాణ ప్రభుత్వం నిర్వహించనున్న సెట్‌ పరీక్షల్లో ఎలాంటి మార్పులు లేవని విద్యాశాఖ మంత్రి సబితా ఇంద్రారెడ్డి స్పష్టం చేశారు. విదేశాలకు వెళ్లే విద్యార్థులకు జులైలో పరీక్షలు నిర్వహిస్తామన్నారు. పాఠశాలలు, కళాశాలల విద్యార్థులకు ఆన్‌లోనే బోధించాలన్నారు. దూరదర్శన్‌ యాదగిరి, టీశాట్‌ ద్వారా తరగతులు నిర్వహిస్తామని చెప్పారు. దూరదర్శన్‌ యూట్యూబ్‌ ఛానెల్‌లోనూ పాఠాలు అందుబాటులో ఉంటాయని వివరించారు. ప్రైవేటు పాఠశాలలు ట్యూషన్‌ ఫీజులు నెలవారీగా వసూలు చేయాలని ఆదేశించారు. కరోనా నేపథ్యంలో 50శాతం మంది ఉపాధ్యాయులు హాజరయ్యేలా జాగ్రత్తలు తీసుకోవాలని సూచించారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని