TS News: మా బొగ్గు మాకే కావాలి: ప్రణాళికా సంఘం ఉపాధ్యక్షుడు వినోద్‌

తాజా వార్తలు

Published : 17/10/2021 01:53 IST

TS News: మా బొగ్గు మాకే కావాలి: ప్రణాళికా సంఘం ఉపాధ్యక్షుడు వినోద్‌

హైదరాబాద్‌: దేశవ్యాప్తంగా థర్మల్ విద్యుత్‌ కేంద్రాలు తీవ్ర బొగ్గు కొరతను ఎదుర్కొంటున్నాయి. దీంతో విద్యుత్‌ సంక్షోభం నెలకొనే ప్రమాద ముందని పలు రాష్ట్రాలు ఆందోళన వ్యక్తం చేస్తున్నాయి. ఈనేపథ్యంలో బొగ్గు గనులు ఎక్కువగా ఉన్న రాష్ట్రాలు మా బొగ్గు మాకే కావాలంటున్నాయి. భూపాలపల్లి నుంచి బొగ్గును తరలించొద్దని తెలంగాణ ప్రణాళికాసంఘం ఉపాధ్యక్షుడు వినోద్‌ కుమార్‌ అధికారులను కోరారు. భూపాలపల్లిలో విద్యుత్‌ ఉత్పత్తి  కోసమే తాడిచర్ల బొగ్గును వాడాలని సూచించారు. తాడిచర్ల నుంచి ఇతర రాష్ట్రాలకు బొగ్గు తరలింపుపై కేంద్రంలోని కొద్దరు పెద్దలు సింగరేణి అధికారులకు మౌఖిక ఆదేశాలు జారీ చేసినట్టు వినోద్‌ కుమార్‌ తెలిపారు. ఇతర రాష్ట్రాల్లో కొరత ఉందని తాడిచర్ల నుంచి సింగరేణి బొగ్గును తరలించి భూపాలపల్లిలో విద్యుత్‌ ఉత్పత్తికి విఘాతం కలిగిస్తే ఎలా అని కేంద్రాన్ని ప్రశ్నించారు.  తాడిచర్ల నుంచి బొగ్గు ఇతర రాష్ట్రాలకు తరలించాలన్న ఆలోచనను మానుకోవాలని కేంద్రాన్ని వినోద్‌ డిమాండ్‌ చేశారు. 


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని