నీటిలో ఆ తేడాలెందుకు?

సందేహాలు-సమాధానాలు

నీటిలో ఆ తేడాలెందుకు?

ప్రశ్న: నీటిని వేడి చేయడానికి బకెట్లో ఇమ్మర్షన్‌ హీటర్‌ పెట్టినప్పుడు పైన ఉన్న నీరు కింద ఉన్న నీటి కన్నా ఎక్కువ వేడిగా ఉంటుంది. ఎందుకు? - ప్రవీణ్‌, సూర్యాపేట

బకెట్లో హీటర్‌ పెట్టిన కొన్ని నిమిషాల్లో ఇలా పైన, కింద ఉన్న నీళ్లలో తేడా గమనిస్తుంటాం.

* హీటర్‌కు తాకుతూ కిందుగా ఉన్న నీరు ముందు వేడెక్కుతుంది. చుట్టుపక్కల ఉన్న నీరు చల్లగానే ఉంటుంది. వేడి నీటి సాంద్రత (డెన్సిటీ) చల్లని నీటి సాంద్రత కన్నా తక్కువ.

* ప్లవన సూత్రాల (లాస్‌ ఆఫ్‌ ఫ్లొటేషన్‌) ప్రకారం సాంద్రత తక్కువ ఉన్నవి తేలుతాయి. సాంద్రత ఎక్కువ ఉన్నవి మునుగుతాయి. హీటర్‌ ద్వారా వేడెక్కిన నీటి సాంద్రత తక్కువ కాబట్టి ఆ నీరు మెల్లమెల్లగా బకెట్‌ పై భాగానికి చేరుకుంటుంది. ఇంకా అంతవరకు వేడెక్కని చల్లని నీరు సాంద్రత ఎక్కువ కాబట్టి కిందే ఉంటుంది.

* అందుకే హీటర్‌తో బకెట్‌లో నీటిని వేడి చేసినప్పుడు పైన వేడిగా, కింద చల్లగా ఉంటుంది.

* మొత్తం వేడెక్కిన తర్వాత బకెట్లో నీళ్లన్నీ మరుగుతాయి. అప్పుడు పైనా కిందా తేడా ఉండదు.

- ప్రొ।। ఎ.రామచంద్రయ్య, నిట్‌, వరంగల్‌; రాష్ట్రకమిటి,
జనవిజ్ఞాన వేదిక (తెలంగాణ)

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు