ఇంట్లోని మొక్కలు పచ్చగా ఎలా ఉంటాయబ్బా?

సందేహాలు-సమాధానాలు

ఇంట్లోని మొక్కలు పచ్చగా ఎలా ఉంటాయబ్బా?

ప్రశ్న: ఇంట్లోని మొక్కలు సూర్యరశ్మి లేకపోయినా పచ్చగా ఉంటాయి. కారణమేంటి?

- పల్నాటి యశ్వంత్‌, నాగారం

సూర్యరశ్మి సరాసరి ఇంట్లో లేకపోయినా...
విద్యుద్దీపాలు వెలిగించకపోయినా పట్టపగలు ఇంట్లో అన్నీ చూడగల్గుతున్నాం కదా!
*మరి అలా చూడ్డానికి కావాల్సిన వెలుగు ఎక్కడి నుంచి వస్తుంది? బయట పడి పరావర్తనం చెందిన సౌరకాంతి కొంత ఇంట్లోకి కూడా వస్తుందన్నమాట.
* ఇలాంటి పరోక్ష కాంతిని విసరణ కాంతి (diffuse light ) అంటారు. రాత్రుళ్లు ఈ కాంతి కూడా ఉండదు కాబట్టి ఇంట్లో వస్తువుల్ని చూడాలంటే లైట్లు వేసుకుంటాం.
* మొక్కలు కూడా విసరణ కాంతి సమక్షంలో కిరణజన్యసంయోగ క్రియ జరుపుకొని పచ్చగా ఉంటాయి. కొన్ని క్రోటన్‌ మొక్కలు, మనీ ప్లాంట్స్‌ లాంటి వాటికి ఈ సర్దుబాటు గుణం ఉంది. ఇలా ఇంట్లో అన్ని రకాల మొక్కలుండవు. ఎప్పుడూ చీకట్లో ఉంటే మొక్కలు పచ్చగా ఉండవు.
- ప్రొ।। ఎ.రామచంద్రయ్య, నిట్‌, వరంగల్‌;
రాష్ట్రకమిటి, జనవిజ్ఞాన వేదిక (తెలంగాణ)