క్షణంలో చిరిగి.. అంతలోనే అతికి!

చిచ్చర పిడుగులు

క్షణంలో చిరిగి.. అంతలోనే అతికి!

అబ్రకదబ్ర హాంఫట్‌

ముక్కలు ముక్కలుగా చిరిగిన కాగితం క్షణాల్లో మామూలుగా మారితే... అయ్య బాబోయ్‌.. అది వింతే కదా! దాన్ని మనం చేసి చూపిస్తే అది మాయే కదూ! మరి అదెలాగో నేర్చుకుందామా! అయితే ఇంకెందుకాలస్యం.. చదివేయండి మరి.
ముందుగా మీరు తెల్లని కాగితాన్ని ప్రేక్షకులకు చూపిస్తారు. తర్వాత దాన్ని ముక్కలు ముక్కలుగా చించివేస్తారు. ఇప్పుడు దాన్ని చిన్న ఉండగా చుడతారు. మీ గుప్పిట్లో దాస్తారు. తర్వాత ‘అబ్రకదబ్ర హాంఫట్‌’ అంటూ.. ఆ ఉండను విప్పుతారు. విచిత్రంగా అది చిరగని కాగితంగా మారిపోతుంది! ‘ఇంతకీ ఎలా అబ్బా ఇది’ అని ఆలోచిస్తున్నారు కదూ! ఓ చిన్న ట్రిక్‌ తెలుసుకుంటే చాలు ఈ మ్యాజిక్‌ను మీరూ చేసేయొచ్చు.
కిటుకు ఏంటంటే..
మీరు కాగితాన్ని చించి ఉండగా చుట్టి గుప్పిట్లో పెట్టుకోవడానికి ముందుగానే.. చించకుండానే చుట్టి పెట్టుకున్న మరో కాగితపు ఉండను గుప్పిట్లో ఎవరికీ తెలియకుండా దాచి పెట్టుకోవాలి. కాగితాన్ని చించి ఉండగా చుట్టిన తర్వాత దీన్నీ గుప్పిట్లో పెట్టుకోవాలి. ఈ సారి ప్రేక్షకులకు చించని కాగితపు ఉండని విప్పి చూపించాలి. చూసే వాళ్లు అవాక్కవుతారు.
జాగ్రత్తలు
మీరు చించి ఉండచుట్టిన కాగితం.. చించకుండా ఉండ చుట్టిన కాగితం ఒకేలా ఉండేలా చూసుకోవాలి. మన చేతిలో రెండు కాగితపు ఉండలున్నట్లు ఎట్టి పరిస్థితుల్లోనూ చూసేవారికి అనుమానం రాకుండా జాగ్రత్త పడాలి. స్టేజి మీద మ్యాజిక్‌ చేయడానికి ముందే ఓ అయిదారుసార్లు ప్రాక్టీస్‌ చేసుకోవాలి. మ్యాజిక్‌ చూసేవారు మనకంటే దిగువన, కాస్త దూరంగా ఉండేలా చూసుకోవాలి.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

చిచ్చర పిడుగులు

మరిన్ని

రుచులు

App