వయసు 12 రాసిన పుస్తకాలు 135

చిచ్చర పిడుగులు

వయసు 12 రాసిన పుస్తకాలు 135

ఎవరీ పిల్లాడు?
పేరు మృగేంద్రరాజ్‌. వయసు 12ఏళ్లు. వీళ్లది ఉత్తర్‌ప్రదేశ్‌లోని ఫజియాబాద్‌.

మన పేజీలోకి వచ్చాడెందుకు?
ఎందుకంటే ఇప్పటికే మన నేస్తం 135 పుస్తకాలు రాసేశాడు కాబట్టి.

బాబోయ్‌! పన్నెండేళ్లకే ఇన్నెలా రాశాడు?
రాజ్‌ ఆరేళ్ల వయసున్నప్పుడే పుస్తకాలు రాయడం మొదలు పెట్టేశాడు. అప్పుడే పోయమ్స్‌తో నిండిన మొదటి పుస్తకం రాశాడు.

ఇంకేమేం పుస్తకాలు రాశాడంట?
రామాయణంలోని 51పాత్రల గురించి విశ్లేషిస్తూ రాసిన పుస్తకాలంటే తనకు ఎంతో ఇష్టమట. వీటిలో కొన్ని ప్రముఖ వ్యక్తుల బయోగ్రఫీలూ ఉన్నాయి. ప్రధాని నరేంద్రమోదీ, యూపీ ముఖ్యమంత్రి యోగిఆదిత్యనాథ్‌... లాంటివారి జీవిత చరిత్రలను రాశాడు. ఇవన్నీ 25 నుంచి 100 పేజీల్లోపు హిందీలో ఉన్న పుస్తకాలే. సుమంత్‌, రామ్‌, పినాక్‌, ప్రహస్త్‌..లాంటి పేర్లతో వాటిని రాశాడు.

అవార్డులేమైనా వచ్చాయా?
గోల్డెన్‌ బుక్‌ ఆఫ్‌ వరల్డ్‌ రికార్డ్స్‌లో చిన్నప్పుడే ఎక్కువ బయోగ్రఫీలు రాసిన పిల్లాడిగా పేరు నమోదు చేసుకున్నాడు. ఎందరో ప్రముఖుల చేతుల మీదిగా బహుమతులూ అందుకున్నాడు.

ఎవరి ప్రోత్సాహంతో రాస్తున్నాడో?
రాజ్‌ వాళ్ల అమ్మ సుల్తాన్‌పూర్‌లోని ప్రైవేటు పాఠశాలలో టీచర్‌. వాళ్ల నాన్న ఉత్తర్‌ప్రదేశ్‌ సుగర్‌ ఇండస్ట్రీ డిపార్ట్‌మెంట్‌లో పనిచేస్తున్నారు. రాయడంపై ఈ పిల్లాడికున్న ఆసక్తిని గమనించి వీళ్లు తనను ప్రోత్సహించడం మొదలుపెట్టారు.

పెద్దయ్యాక ఏమౌతాడట?
మంచి రచయిత అవ్వాలన్నదే తన లక్ష్యం అని చెబుతున్నాడు. భవిష్యత్తులో మరెన్నో అంశాలపై ఇంకెన్నో బుక్స్‌ రాస్తానని చెబుతున్నాడు. గ్రేటే కదూ!

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

చిచ్చర పిడుగులు

మరిన్ని

రుచులు

App