అల్లరి ఆట‌లే కోట్లు తెచ్చాయ్‌!

చిచ్చర పిడుగులు

అల్లరి ఆట‌లే కోట్లు తెచ్చాయ్‌!

ఓ ఆరేళ్ల పాప... ఒక‌టి కాదు రెండు కాదు... ఏకంగా 55 కోట్ల రూపాయ‌లు సంపాదించేసింది... సొంతంగా ఇల్లు కొనేసింది... అయ్య‌బాబోయ్ ఇదెలాగ‌బ్బా?
చిన్నపిల్లలు సెలవుల్లో ఇంట్లో ఉన్నారంటే చాలు... కుదురుగా ఉంటారా? తెగ అల్లరి చేసేస్తుంటారు. లేదంటే నచ్చిన బొమ్మలు తీసుకుని వాటితో ఆడేసుకుంటారు. అలాంటి ఆటపాటలతోనే స్టార్‌ అయ్యిందో పాప. ప్రపంచవ్యాప్తంగా బోలెడంతమంది అభిమానుల్ని తెచ్చుకుంది. అదే ఇప్పుడు ఈ అమ్మాయికి కోట్ల రూపాయలు సంపాదించిపెట్టింది. ‘ఇంత చిన్నపాప అంత డబ్బు సంపాదించిందా?’ అని అందర్నీ ఆశ్చర్యపరిచేలా చేసింది.

* ఇంతకీ ఆ పాప పేరు చెప్పలేదు కదూ. బోరమ్‌. ఉండేది దక్షిణ కొరియాలో.
* అల్లరిచేస్తూ ఆడితేనే ఇంత పేరు ప్రఖ్యాతులు ఎలా వచ్చాయనే అనుమానం వచ్చిందా? అయితే బోరమ్‌ ఆడిందీ..అల్లరి చేసిందీ కెమెరా ముందు. ఎలాగో ఏంటో అనుకుంటున్నారా? మరేం లేదు. ఈ పాప ‘బోరమ్‌ ట్యూబ్‌ వ్లోగ్‌, బోరమ్‌ ట్యూబ్‌ టాయ్‌ రివ్యూ’ పేరుతో రెండు యూట్యూబ్‌ ఛానళ్లు మొదలుపెట్టింది.
* ఒకదాంట్లో కొత్తగా వచ్చిన లెగో టాయ్స్‌, పజిల్స్‌, మేకప్‌ టాయ్స్‌, ప్లే హౌస్‌ వంటి రకరకాల బొమ్మలతో ఆడుతూ వాటి పనితీరు ఎలా ఉన్నదీ సమీక్షిస్తుంది. ఇంకోదాంట్లో ముద్దుముద్దు చేష్టలతో అల్లరి పనులు చేస్తుంటుంది. సరదా సాహసాలు చేస్తూ ఆశ్చర్యపరుస్తుంది. కడుపుబ్బ నవ్విస్తుంది.
* చెబితే నమ్మరుగానీ ఈ రెండు యూట్యూబ్‌ ఛానళ్లను దాదాపు మూడుకోట్ల మంది ఫాలో అవుతున్నారు. కొన్ని వీడియోల్ని దాదాపు 30 కోట్ల మంది చూశారట.
* బోరమ్‌ చురుకుదనం, తెలివితేటలు చూసి వాళ్ల అమ్మానాన్నలు గత సంవత్సరం ఈ ఛానళ్లు తెరిచారట. కొద్దిరోజుల్లోనే తన మాటలతో, పనులతో చేసిన వీడియోలతో అందర్నీ ఆకట్టుకుంది. దీంతో ప్రకటనలు లెక్కకు మించి రావడం మొదలైంది. ఇంకేముంది... అలా 8 మిలియన్‌ డాలర్ల డబ్బు పోగు చేసుకుంది. వాటితో ఇల్లు కొనేసింది. భలే పిల్ల కదూ!

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

చిచ్చర పిడుగులు

మరిన్ని

రుచులు

App