ఎంపీకి వినతిపత్రం అందజేస్తున్న మాజీ డిప్యూటీ మేయర్‌ సత్యనారాయణ

గురుద్వారా, న్యూస్‌టుడే: శరవేగంగా అభివృద్ధి చెందుతున్న విశాఖ నగరంలో ప్రధాన ప్రాంతాల్లో పాదచారులు రహదారి ప్రమాదాలకు గురికాకుండా భూగర్భ సబ్‌వేలు ఏర్పాటు చేయాలని మాజీ డిప్యూటీ మేయర్, వైకాపా నాయకులు దాడి సత్యనారాయణ ఎంపీ ఎం.వి.వి సత్యనారాయణను కోరారు. శనివారం ఆయనను కలిసి వినతిపత్రం అందజేశారు. ట్రాఫిక్‌ ఎక్కువగా ఉండటంతో రహదారులు దాటే సమయాల్లో పాఠశాలలు, కళాశాలకు వెళ్లే విద్యార్థులు, వృద్ధులు ప్రమాదాల బారిన పడుతున్నారని తెలిపారు. ఏటా ఈ విధంగా 30, 40 మంది ప్రాణాలు కోల్పోతున్నారనే విషయాన్ని ఆయన దృష్టికి తీసుకెళ్లారు.