close

ప్రధానాంశాలు

పరాగ్‌కు మంచి భవిష్యత్‌ ఉంది : స్మిత్‌

జైపూర్‌ : రాజస్థాన్‌ రాయల్స్‌ యువ ఆల్‌రౌండర్‌ రియాన్‌ పరాగ్‌ను ఆ జట్టు సారథి స్టీవ్‌ స్మిత్‌ ప్రశంసల్లో ముంచెత్తాడు. జైపూర్‌ వేదికగా ముంబయి ఇండియన్స్‌తో శనివారం జరిగింది. ఈ మ్యాచ్‌లో కీలక సమయంలో పరాగ్‌ 46 (29 బంతుల్లో, 5 ఫోర్లు, ఒక సిక్సర్‌) పరుగులు చేశాడు. కెప్టెన్‌ స్మిత్‌తో కలిసి 70 పరుగుల భాగస్వామ్యాన్ని నెలకొల్పాడు. బౌలింగ్‌లోనూ రెండు ఓవర్లు వేసి 17 పరుగులు ఇచ్చి ఫరవాలేదనిపించాడు. దీంతో పరాగ్‌ను జట్టు సారథి స్మిత్‌ ప్రశంసల్లో ముంచెత్తాడు.

‘పదిహేడేళ్ల పరాగ్‌ ఎంతో అనుభవం ఉన్న ఆటగాడిలా కనిపిస్తున్నాడు. లక్ష్య ఛేదనలో ఏమాత్రం ఒత్తిడికి లోనవకుండా ప్రశాంతంగా బ్యాటింగ్‌ చేయడం మామూలు విషయం కాదు. గత మ్యాచుల్లోనూ పరాగ్‌ బాగా ఆడాడు. నెట్స్‌లో తీవ్రంగా సాధన చేస్తున్నాడు. పరాగ్‌కు బౌలింగ్‌లోనూ మంచి నైపుణ్యం ఉంది. చెన్నై సూపర్‌ కింగ్స్‌తో జరిగిన మ్యాచ్‌లో పొదుపుగా బౌలింగ్‌ చేశాడు. ఈ రోజు కూడా పరాగ్‌ వేసిన బంతులు భిన్నంగా ఉన్నాయి. అతను ఏ విషయాన్నైనా చాలా త్వరగా నేర్చుకుంటాడు’ అని స్మిత్‌ పేర్కొన్నాడు. ఈ మ్యాచ్‌లో రాజస్థాన్‌ రాయల్స్‌ 5 వికెట్ల తేడాతో ముంబయి ఇండియన్స్‌ను ఓడించింది.



మరిన్ని

దేవతార్చన

© 1999- 2019 Ushodaya Enterprises Pvt.Ltd,All rights reserved.
Designed & Developed by Margadarsi Computers.
For Editorial Feedback - eMail: infonet@eenadu.net