ఇంటర్నెట్‌డెస్క్‌: వ్యాఖ్యాతగా, నటిగా తనకంటూ ప్రత్యేక గుర్తింపును తెచ్చుకున్నారు మంచులక్ష్మి. తొలి చిత్రంతోనే ప్రతినాయకురాలిగా ఏకంగా నంది అవార్డును సొంత చేసుకున్న ఆమె, అప్పటి నుంచి వైవిధ్యమైన పాత్రలు చేస్తూ తెలుగు ప్రేక్షకులను అలరిస్తున్నారు. అంతేకాదు, సామాజిక మాధ్యమాల వేదికగానూ చురుగ్గా ఉంటారు. తాజాగా మంచులక్ష్మి ‘టిక్‌టాక్‌’లోకి అడుగు పెట్టారు. తనదైన శైలిలో వీడియోలు చేస్తూ నెటిజన్లను అలరిస్తున్నారు. ‘టిక్‌టాక్‌’ ఖాతాను ప్రారంభించిన నాలుగు రోజుల్లోనే ఆమెను మూడు లక్షలకు పైగా ఫాలోవర్లు అనుసరిస్తున్నారు. అంతేకాదండోయ్‌ తొలి వీడియోకు కేవలం గంటలోనే 4మిలియన్‌ వ్యూస్‌ సొంతం చేసుకున్నారు. టిక్‌టాక్‌ వేదికగా ఆమె పంచుకున్న కొన్ని వీడియోలను మీరూ చూసేయండి.