close

తాజా వార్తలు

Published : 01/04/2020 01:02 IST
Facebook Share Twitter Share WhatsApp Share Telegram Share

గంటకో సెల్ఫీ పంపండి

స్వీయనిర్భంధంలో ఉన్నవారికి కర్ణాటక ప్రభుత్వం సూచన

బెంగళూరు: కరోనా కారణంగా స్వీయ నిర్బంధంలో ఉన్నవారికి కర్ణాటక ప్రభుత్వం ఓ వినూత్న సూచన చేసింది. నిర్బంధంలో ఉన్నవారు ప్రతి గంటకు ఓ సెల్ఫీ పంపాలని కోరింది. కరోనా నేపథ్యంలో విదేశాల నుంచి వచ్చిన వారు, వారితో సన్నిహితంగా మెలిగిన వారు స్వీయ నిర్బంధంలో ఉండాలని ప్రభుత్వాలు సూచించాయి. అయితే ఈ నిబంధనలను ఉల్లంఘించి కొందరు బయట తిరుగుతున్న ఉదంతాలు వెలుగు చూస్తున్న నేపథ్యంలో కర్ణాటక ప్రభుత్వం ఈ సూచన చేసింది.

ప్రతిరోజు ఉదయం 7 గంటల నుంచి రాత్రి పదిగంటల వరకు గంటకో సెల్ఫీ పంపాలని ఆదేశించింది. ఇందుకోసం ప్రభుత్వం తీసుకొచ్చిన క్వారంటైన్‌ వాచ్‌ యాప్‌ను ఉపయోగించాలని తెలిపింది. ఈ యాప్‌ ద్వారా తీసిన ఫొటోలకు జీపీఎస్‌ అనుసంధానం జరిగేలా ఏర్పాట్లు చేసింది.  తద్వారా అనుమానితులు బయటకు వస్తే గుర్తించే అవకాశం ఉంది. ఎవరైనా నిబంధనలకు విరుద్ధంగా వ్యవహరిస్తే ప్రభుత్వం ఏర్పాటు చేసిన  నిర్బంధానికి పంపుతామని హెచ్చరించింది. 

 



Tags :

జనరల్‌

జిల్లా వార్తలు
బిజినెస్‌
మరిన్ని
జాతీయ- అంతర్జాతీయ
మరిన్ని
పాలిటిక్స్
మరిన్ని
సినిమా
మరిన్ని
క్రీడలు
మరిన్ని
క్రైమ్
మరిన్ని