close
Array ( ) 1

తాజా వార్తలు

నవీన్‌ జీ.. సీఏఏపై మీ వైఖరేంటి?

అసెంబ్లీలో కాంగ్రెస్‌ నేత ప్రశ్న

భువనేశ్వర్‌: పార్లమెంట్‌ ఆమోదించిన పౌరసత్వ సవరణ చట్టం (సీఏఏ)పై ఒడిశా ప్రభుత్వం, బిజూ జనతాదళ్‌ వైఖరేంటో చెప్పాలని కాంగ్రెస్‌ డిమాండ్‌ చేసింది. ఫిబ్రవరి 28 నుంచి రెండు రోజుల పాటు కేంద్ర హోంశాఖమంత్రి అమిత్‌ షా ఒడిశాలో పర్యటించి సీఏఏకు అనుకూలంగా బహిరంగ సభలు నిర్వహించనున్న నేపథ్యంలో ఈ అంశాన్ని శాసనసభలో కాంగ్రెస్‌ ప్రస్తావించింది. జీరో అవర్‌లో కాంగ్రెస్‌ ఎమ్మెల్యే ఎస్‌ఎస్‌ సలుజా మాట్లాడుతూ.. బిజూ జనతా దళ్‌ (బీజేడీ) ఎంపీలు పార్లమెంట్‌ ఉభయ సభల్లో సీఏఏకు మద్దతు తెలిపారని చెప్పారు. కానీ, మైనార్టీ వర్గాల ప్రతినిధులతో డిసెంబర్‌లో భువనేశ్వర్‌లో సమావేశం సందర్భంగా సీఎం నవీన్‌ పట్నాయక్‌ తమ రాష్ట్రం ఎన్‌ఆర్‌సీకి మద్దతు తెలపబోదన్నారని గుర్తు చేశారు.ఈ వైఖరిలో మార్పు ప్రజల్లో గందరగోళం సృష్టిస్తోందన్నారు. తమకు ఓటు వేసి వరుసగా ఐదుసార్లు అధికారంలోకి తీసుకొచ్చిన ప్రజల పక్షాన నిలబడి సీఏఏపై ఎలా ముందుకెళ్లాలో ఆలోచించాలన్నారు. ఒడిశాలో ప్రజలంతా శాంతియుతంగా, సోదరభావంతో మెలుగుతున్నారని చెప్పారు.

అమిత్‌ షా తలపెట్టిన సీఏఏకు మద్దతు ర్యాలీలో బీజేడీ నేతలు పాల్గొంటారా? దూరంగా ఉంటారో చెప్పాలన్నారు. జగన్నాథుడి భూమిలో నివసిస్తున్న తమకు అన్ని వర్గాలూ సమానమేనన్నారు. దిల్లీలాంటి వాతావరణం తమకు భువనేశ్వర్‌, ఒడిశాలో కావాలనుకోవడం లేదని వ్యాఖ్యానించారు. ఎట్టిపరిస్థితుల్లోనూ మత సామరస్యతకు ఆటంకం కలగనీయబోమన్నారు.


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
సినిమా

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.