close
Array ( ) 1

తాజా వార్తలు

Updated : 17/05/2020 08:11 IST
Facebook Share Twitter Share WhatsApp Share Telegram Share

హాంకాంగ్‌ కుక్కలకు యజమానుల ద్వారానే వైరస్‌

హాంకాంగ్‌లో కరోనా సోకిన రెండు కుక్కలకు వాటి యజమానుల ద్వారానే వైరస్‌ వ్యాపించిందని పరిశోధకులు గుర్తించారు. ఆ కుక్కలు, వాటి యజమానుల్లోని వైరస్‌ జన్యుక్రమాన్ని విశ్లేషించి ఈ నిర్ధారణకు వచ్చారు. ఈ కుక్కల నుంచి ఇతర కుక్కలకు లేదంటే మనుషులకు వైరస్‌ వ్యాపిస్తుందనడానికి ఎలాంటి ఆధారాలు దొరకలేదని వీరు వెల్లడించారు. కొవిడ్‌-19 బాధితుల నుంచి కుక్కలకు ఈ వైరస్‌ వ్యాపిస్తుందని స్పష్టమైనప్పటికీ అందుకుగల అవకాశాలు చాలా తక్కువని వీరు స్పష్టంచేస్తున్నారు. వ్యాధి బాధితులతో కలిసి ఉన్న 15 కుక్కల్లో కేవలం రెండింటికి మాత్రమే ఈ వైరస్‌ సోకిందని నెదర్లాండ్స్‌ వైద్యులు తమ అధ్యయనంలో గుర్తించారు. భవిష్యత్తులో తలెత్తే ముప్పులను నివారించాలంటే.. పెంపుడు జంతువుల మధ్య వైరస్‌ వ్యాప్తిపై కూలంకషంగా అధ్యయనం చేయాలని మరికొందరు పరిశోధకులు స్పష్టంచేస్తున్నారు. హాంకాంగ్‌లో ఈ రెండు కుక్కలతో పాటు, ఓ పిల్లి, న్యూయార్క్‌లో రెండు పిల్లులు, జంతు ప్రదర్శనశాలలోని 4 పులులు, 3 సింహాలు కూడా కరోనా బారిన పడిన విషయం తెలిసిందే. అలానే పిల్లులపై నిర్వహించిన సర్వేలో.. ఇవి లక్షణాలు లేకుండా ఇతర పిల్లులకు ఈ వ్యాధిని వ్యాప్తి చేయగలవని పరిశోధకులు గుర్తించారు. ఈ నేపథ్యంలో వ్యాధి బాధితులు తమ పెంపుడు జంతువులకు దూరంగా ఉండాలని, తగు జాగ్రత్తలు తీసుకోవాలని పరిశోధకులు స్పష్టం చేస్తున్నారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.