close

తాజా వార్తలు

Published : 25/07/2020 10:53 IST
Facebook Share Twitter Share WhatsApp Share Telegram Share

ఒకవేళ ధోనీ ఐపీఎల్‌లో సరిగ్గా ఆడకపోతే..?

మాజీ సారథిపై డీన్‌జోన్స్‌ ఏమన్నాడంటే..

ఇంటర్నెట్‌డెస్క్‌: లాక్‌డౌన్‌ కారణంగా నిరవధికంగా వాయిదా పడిన ఐపీఎల్‌ 13వ సీజన్‌పై స్పష్టత రావడంతో అందరి కళ్లూ ఇప్పుడు చెన్నై సూపర్‌ కింగ్స్‌ సారథి మహేంద్రసింగ్‌ ధోనీపై పడ్డాయి. సెప్టెంబర్‌ 19 నుంచి నవంబర్‌ 8వరకు ఆ మెగా ఈవెంట్‌ను యూఏఈలో నిర్వహిస్తున్నట్లు గవర్నింగ్‌ కౌన్సిల్‌ ఛైర్మన్‌ బ్రిజేశ్‌ పటేల్‌ శుక్రవారం మీడియాకు తెలిపారు. మరోవైపు గతేడాది వన్డే ప్రపంచకప్‌ తర్వాత క్రికెట్‌కు దూరమైన ధోనీపై అభిమానులు భారీ అంచనాలు పెట్టుకున్నారు. ఈ ఐపీఎల్‌లో రాణించి మళ్లీ జాతీయ జట్టులోకి వస్తాడని ఆశగా వేచి చూస్తున్నారు. ఇదే విషయంపై ఆస్ట్రేలియా మాజీ క్రికెటర్‌ డీన్‌జోన్స్‌ స్పందించారు. 

‘ప్రస్తుత పరిస్థితుల్లో ఇండియన్‌ సెలక్టర్లు రిషభ్‌ పంత్‌, కేఎల్‌ రాహుల్‌ వైపే మొగ్గు చూపుతున్నారు. ఒకవేళ ధోనీ ఈ ఐపీఎల్‌లో చెలరేగితే అతడి పునరాగమనానికి అవకాశాలు ఉన్నాయి. కానీ, అతడు విఫలమైతే మాత్రం కచ్చితంగా టీమ్‌ఇండియా తలుపులు మూసుకుపోతాయి. ఇప్పటికైతే మహీకి అవకాశం ఉంది. ఈ విరామం కూడా అతడికి అద్భుతంగా కలిసిరావొచ్చు. దీంతో మంచి విశ్రాంతి దొరికింది. అయితే, ఒక విషయం మాత్రం కచ్చితంగా చెప్పగలను. వయసు పెరిగే కొద్దీ ఒక ఆటగాడు విరామం తీసుకొని మళ్లీ రాణించడం చాలా కష్టం’ అని జోన్స్‌ పేర్కొన్నారు. అలాగే ధోనీ ఒక సూపర్‌స్టార్‌ అని, అతడో గొప్ప ఆటగాడని మెచ్చుకున్నాడు. అయితే, ఇప్పుడు మాత్రం టీమ్‌ఇండియా.. పంత్‌, రాహుల్‌ వైపే చూస్తుందని చెప్పాడు. ఇకపోతే భారత జట్టుకు అసలైన సమస్య మంచి ఫినిషర్‌ లేకపోవడమేనని స్పష్టంచేశాడు. ఆ విషయంలో హార్దిక్‌ పాండ్యను తీసుకుంటే అతడే సరిపోతాడని జోన్స్‌ వ్యాఖ్యానించాడు. ఇదిలా ఉండగా, ఏడాది పాటు ఆటకు దూరమైన ధోనీ మార్చిలో చెన్నై సూపర్‌ కింగ్స్‌ నిర్వహించిన శిక్షణా శిబిరంలో సాధన చేశాడు. అక్కడ ఎంతో కష్టపడ్డాడని తోటి ఆటగాళ్లు, ఇటీవల సామాజిక మాధ్యమాల్లో వెల్లడించారు. ఇప్పుడు ఐపీఎల్‌ తేదీలు ఖరారవడంతో ఈసారి అతడు చెలరేగిపోతాడని అభిమానులు ఆశిస్తున్నారు.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.