close
Array ( ) 1

తాజా వార్తలు

Published : 07/05/2020 02:09 IST
Facebook Share Twitter Share WhatsApp Share Telegram Share

గ్రూప్‌లో అసభ్య చాటింగ్‌, విద్యార్థి అరెస్టు

సహవిద్యార్థినులపై మానభంగం గురించి చర్చలు

దిల్లీ: దేశరాజధానిలో సంచలనం సృష్టించిన వివాదాస్పద ఇన్‌స్టా గ్రూప్‌ వ్యవహారంలో ఓ విద్యార్థిని దిల్లీ సైబర్‌ పోలీసులు అరెస్టు చేశారు. విద్యార్థినులపై అత్యాచారం, తదితర నేరపూర్వక చర్యలను గురించి గ్రూప్‌ చాట్‌లో చర్చించినందుకు ఈ విద్యార్థిని అరెస్టు చేసినట్టు పోలీసులు తెలిపారు. అతని మొబైల్‌ ఫోన్‌ను స్వాధీనం చేసుకుని, ఆ ఇన్‌స్టాగ్రాం గ్రూపును డీయాక్టివేట్‌ చేశారు. కాగా, ఈ బాలుడు దిల్లీలోని ఓ ప్రముఖ పాఠశాలలో చదువుతున్నాడని తెలిసింది. ఈ గ్రూప్‌ చాట్లో మొత్తం 20 మంది పాల్గొన్నారని, మిగిలిన సభ్యుల కోసం గాలిస్తున్నామని పోలీసులు తెలిపారు. ఈ ఇన్‌స్టా గ్రూపులో మొత్తం 100 మంది సభ్యులున్నట్టు తెలిసింది. దీనిని గురించిన మరిన్ని వివరాలకోసం సైబర్ పోలీసులు దర్యాప్తు ప్రారంభించారు.

దక్షణ దిల్లీలోని 11, 12 తరగతులకు చెందిన కొందరు విద్యార్థులు ‘బాయిస్‌ లాకర్‌ రూమ్‌’ అనే పేరుతో ఓ ఇన్‌స్టాగ్రామ్‌ గ్రూపును ఏర్పాటుచేసుకున్నారు.  అనుమతి లేకుండా మైనర్‌ విద్యార్థినుల ఫోటోలను తమ గ్రూపులో షేర్‌ చేయటమే కాకుండా, వారిపై అసభ్యకరమైన వ్యాఖ్యలను కూడా చేశారు. ఈ  గ్రూప్‌ సభ్యులు చేసిన చాటింగ్‌కు సంబంధించిన స్క్రీన్‌ షాట్లను కొందరు సోషల్‌ మీడియాలో షేర్‌ చేశారు. ఈ వ్యవహారంపై 19 సంవత్సరాల కళాశాల విద్యార్థిని ఫిర్యాదు మేరకు దిల్లీ పోలీసులు రంగంలోకి దిగారు. 


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.