3 నెలలు.. 76 మంది చిన్నారులు
close

తాజా వార్తలు

Updated : 20/11/2020 04:55 IST
Facebook Share Twitter Share WhatsApp Share Telegram Share Link Share

3 నెలలు.. 76 మంది చిన్నారులు

 తప్పిపోయిన చిన్నారులను ఇంటికి చేర్చిన మహిళా కానిస్టేబుల్
 పదోన్నతి కల్పించిన పోలీసుశాఖ


దిల్లీ:  తప్పిపోయిన చిన్నారులను తల్లి ఒడికి చేర్చడానికి దిల్లీ పోలీసుశాఖ ప్రవేశపెట్టిన కొత్త విధానం విజయవంతంగా కొనసాగుతోంది. ఇందులో భాగంగా దిల్లీలోని సమాయ్‌పుర్‌ బద్లీ పోలీసుస్టేషన్‌లో హెడ్ కానిస్టేబుల్‌గా విధులు నిర్వర్తిస్తున్న సీమా ధాకా 3 నెలల్లో 76 మంది చిన్నారులను వెతికిపట్టుకున్నారు.  వారిలో 56 మంది పద్నాలుగేళ్ల లోపు వారే.  వీరిలో పంజాబ్‌, పశ్చిమబంగకు చెందిన చిన్నారులు కూడా ఉన్నట్లు అధికారులు తెలిపారు.  విధినిర్వహణలో అద్భుత ప్రతిభ కనబర్చినందుకు సీమా ధాకాకు సీనియారిటీతో సంబంధం లేకుండా పదోన్నతి కల్పిస్తున్నట్లు దిల్లీ పోలీసు కమిషనర్‌ ఎస్‌ఎన్‌ శ్రీవాత్సవ ట్విటర్‌లో తెలిపారు. దిల్లీలో తప్పిపోయిన చిన్నారులను కనిపెట్టేందుకు పోలీసులకు ఆగస్టు నుంచి ప్రత్యేక ప్రోత్సాహక పథకాన్ని అమలు చేస్తున్నారు. ఇందులో భాగంగా సంవత్సరంలోపు ఎవరైనా 50 కంటే ఎక్కువ మంది చిన్నారులను రక్షించగలిగితే వారికి అవుట్‌ ఆఫ్‌ టర్న్‌ ప్రమోషన్‌ కింద పదోన్నతి కల్పిస్తారు. ఈ పథకం మంచి ఫలితాలను ఇస్తోందని, అంతేకాకుండా అనేక కుటుంబాలు సంతోషంగా ఉన్నాయని అధికారులు తెలిపారు. మరోవైపు ఈ పథకం ద్వారా పదోన్నతి పొందిన మొట్టమొదటి వ్యక్తి సీమాధాకా కావడంతో అభినందనలు వెల్లువెత్తుతున్నాయి.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జాతీయ- అంతర్జాతీయ
మరిన్ని