close
Array ( [0] => stdClass Object ( [video_news_id] => 120066293 [video_srlno] => 1 [video_type] => 1 [video_link] => q6Gj3PrtOkM [video_short_link] => q6Gj3PrtOkM [created_by] => [created_date] => [modified_by] => 963258741 [modified_date] => 2020-05-20 12:19:22.522816 [display_status] => 1 [video_isdeleted] => ) ) 1

తాజా వార్తలు

హెచ్‌సీక్యూ ఔషధం ఓ రక్షణ రేఖ: ట్రంప్‌

క్లోరోక్విన్‌ వాడకాన్ని మరోసారి గట్టిగా సమర్థించిన ట్రంప్‌

వాషింగ్టన్‌: కరోనా వైరస్‌ సోకకుండా తాను ప్రతిరోజు హైడ్రాక్సీ క్లోరోక్విన్‌(హెచ్‌సీక్యూ) ఔషధాన్ని తీసుకోవడాన్ని డొనాల్డ్‌ ట్రంప్‌ మరోసారి గట్టిగా సమర్థించారు. ఈ మందు ‘రక్షణ రేఖ’గా పనిచేస్తుందని వ్యాఖ్యానించారు. మరికొంత కాలం తాను ఈ ఔషధాన్ని తీసుకోనున్నట్లు వెల్లడించారు. దీనివల్ల ఎలాంటి అభద్రత అవసరం లేదని తాను భావిస్తు న్నట్టు చెప్పారు.

తాను ప్రచారం కల్పించడం వల్లే హెచ్‌సీక్యూకి చెడ్డపేరు వచ్చిందని ట్రంప్‌ అన్నారు. ఇంకెవరైనా ఈ మందు గురించి చెప్పి ఉంటే అద్భతమైన ఔషధంగా అభివర్ణించేవారని అభిప్రాయపడ్డారు. ఇది చాలా శక్తిమంతమైన ఔషధమని.. దీని వల్ల ఎలాంటి హాని ఉండదని పునరుద్ఘాటించారు. అందువల్లే కరోనాపై పోరులో ముందు వరుసలో ఉన్న అనేక మంది సిబ్బందికి దీన్ని ప్రతిపాదించానని గుర్తుచేశారు. ప్రపంచవ్యాప్తంగా వైద్యులు హెచ్‌సీక్యూ వాడకంపై సానుకూలత వ్యక్తం చేసినట్లు చెప్పుకొచ్చారు. ఇటలీ, ఫ్రాన్స్‌, స్పెయిన్‌లో ఈ ఔషధం మెరుగైన ఫలితాలు చూపిన అధ్యయనాలు ఉన్నట్లు గుర్తుచేశారు. ఇటీవల జరిగిన ఓ అధ్యయనం తప్పుడు ఫలితాలు ఇచ్చినట్లు పేర్కొన్నారు. కావాలనే చనిపోయే స్థితిలో ఉన్నవారికి ఈ ఔషధాన్ని ఇచ్చి ప్రతికూల ఫలితాలు వెల్లడించారన్నారు.

మరోవైపు ఉపాధ్యక్షుడు మైక్‌ పెన్స్‌ మాత్రం తాను హెచ్‌సీక్యూ తీసుకోవడం లేదని తెలిపారు. తనకు వైద్యులు ఎలాంటి ఔషధాలు సిఫార్సు చేయలేదని పేర్కొన్నారు. అయితే, వైద్యుల సూచన మేరకు అమెరికా ప్రజలెవరైనా హెచ్‌సీక్యూ తీసుకోవడాన్ని మాత్రం తాను వ్యతిరేకంచలేనన్నారు. మరోవైపు తాను ప్రతిరోజు హెచ్‌సీక్యూ తీసుకుంటున్నానని ట్రంప్‌ ప్రకటించడంపై అక్కడి ప్రతిపక్షాలు తీవ్ర స్థాయిలో మండిపడుతున్నాయి. కొవిడ్‌-19ను నయం చేయగలిగే సామర్థ్యం హెచ్‌సీక్యూకి ఉందో లేదో వైద్యపరంగా నిర్ధారణ కాకుండా అధ్యక్షుడు దీని వాడకాన్ని ప్రోత్సహించడం హానికరమని వ్యాఖ్యానించారు.

కరోనా వైరస్‌ తనకు సోకకుండా ముందుజాగ్రత్త చర్యల్లో భాగంగా ప్రతిరోజు హెచ్‌సీక్యూ ఔషధాన్ని తీసుకుంటున్నట్లు ట్రంప్‌ మంగళవారం వెల్లడించిన విషయం తెలిసిందే.



Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.