నా వద్ద 121 భాజపా సభ్యుల చిట్టా ఉంది: రౌత్‌
close

తాజా వార్తలు

Published : 29/12/2020 01:15 IST
Facebook Share Twitter Share WhatsApp Share Telegram Share Link Share

నా వద్ద 121 భాజపా సభ్యుల చిట్టా ఉంది: రౌత్‌

ముంబయి: విశ్వసనీయ దర్యాప్తు సంస్థలైన ఈడీ, సీబీఐలకు వాటి ప్రాముఖ్యత తగ్గుతోందని శివసేన ఎంపీ సంజయ్‌రౌత్‌ ఆరోపించారు. పంజాబ్‌-మహారాష్ట్ర బ్యాంకు(పీఎంసీ) కుంభకోణం కేసులో తన భార్య వర్షకు ఈడీ సమన్లు జారీ చేసిన నేపథ్యంలో ఆయన ఈ విధంగా స్పందించారు. ఈ మేరకు ఆయన సోమవారం మీడియా సమావేశంలో దర్యాప్తు సంస్థలకు వ్యతిరేకంగా తీవ్ర విమర్శలు చేశారు. తనతో ఎవరైనా రాజకీయంగా తలపడాలనుకుంటే ఎదురుగా వచ్చి ఢీకొట్టాలని భాజపాకు పరోక్షంగా సవాల్‌ విసిరారు. 

‘ఈడీ సమన్లు జారీ చేసిన విషయమై నేను ఇప్పటికే సీఎం ఉద్ధవ్‌ ఠాక్రేతో చర్చించా. దాని గురించి ఏం భయపడాల్సిన అవసరం లేదు. శివసేన తగిన రీతిలో వారికి జవాబు ఇస్తుంది. విశ్వసనీయ దర్యాప్తు సంస్థలైన ఈడీ, సీబీఐలకు ప్రాముఖ్యత తగ్గుతోంది. గతంలో ఈ ఏజెన్సీలు ఏదైనా చర్యలు తీసుకుంటే అందులో ఆ అంశం ఎంతో తీవ్రమైనదిగా ఉండేది. కానీ, గత కొద్ది సంవత్సరాలుగా ఒక రాజకీయ పార్టీ తన కోపాన్ని ప్రదర్శించినపుడే.. ఈ ఏజెన్సీలు చర్యలు తీసుకుంటున్నాయి. నా వద్ద భాజపాకు చెందిన 121 మంది సభ్యుల ఫైల్స్‌ ఉన్నాయి. వాటిని త్వరలోనే ఈడీకి సమర్పిస్తాను. ఈడీ ఇంకా ఐదేళ్ల పాటు పనిచేయడానికి సరిపడా మంది పేర్లు ఉన్నాయి’ అని రౌత్‌ తీవ్రంగా మండిపడ్డారు.

పీఎంసీ బ్యాంకు స్కాం కేసులో శివసేన ఎంపీ సంజయ్‌రౌత్‌ భార్య వర్షకు సంబంధాలున్నాయంటూ ఈడీ ఆదివారం సమన్లు జారీ చేసిన విషయం తెలిసిందే. పీఎంసీ బ్యాంకు స్కామ్‌ కేసులో నిందితుడిగా ఉన్న ప్రవీణ్‌ రౌత్‌కు వర్షకు మధ్య లావాదేవీలు జరిగినట్లు ఈడీ ఆరోపించింది. దీంతో ఈ కేసు విచారణలో భాగంగా ఆమె డిసెంబర్‌ 29న ఈడీ కార్యాలయంలో హాజరుకావాలని సమన్లలో పేర్కొంది. కాగా ఈడీ ఈ నెలలో ఆమెకు సమన్లు జారీ చేయడం ఇది మూడో సారి కావడం గమనార్హం. 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని