close
Array ( ) 1

తాజా వార్తలు

Published : 14/01/2020 00:47 IST
Facebook Share Twitter Share WhatsApp Share Telegram Share

‘రోదసి యాత్రకు ప్రేయసి కావలెను..’

టోక్యో: దినపత్రికల్లో, అంతర్జాలంలో, టీవీల్లో రోజు ఎన్నో రకాల ప్రకటనలు చూస్తూ ఉంటాం. కానీ, జపాన్‌లో వచ్చిన ఈ తరహా ప్రకటన మాత్రం ఎప్పుడూ చూసి ఉండరు. అసలు ఊహకు కూడా అందని ప్రకటన ఇచ్చారు జపాన్‌కు చెందిన ఓ బిలియనీర్‌. ఇంతకీ ఆ ప్రకటనేంటి..?ఆయన ఎవరు..? తెలుసా..

జపాన్‌కు చెందిన యుసాకు మిజావా అనే బిలియనీర్‌ ఈ మధ్యే తన గర్ల్‌ఫ్రెండ్‌కి దూరమయ్యాడు. దీంతో ఆయన జీవితాన్ని ఒంటరితనం చుట్టుముట్టింది. ఇక దీన్నుంచి బయటపడడానికి ఆయన మరో ప్రేయసి కావాలనుకున్నాడు. అనుకున్నదే ఆలస్యం.. ‘ప్రేయసి కావలెను’ అని ప్రకటన కూడా ఇచ్చేశాడు. ‘20ఏళ్ల వయసుండి, జీవితాన్ని ఆనందంగా గడపాలనుకుంటున్న ఓ యువతి కావాలి’ అని అర్హతలు కూడా చెప్పేశాడు. పైగా తన చిరకాల కోరికైన రోదసి యాత్రకు కూడా ఆమెను తీసుకెళ్తాడట. 2023 కల్లా ప్రైవేటు వ్యక్తులను రోదసిలోకి తీసుకెళ్లాలన్న స్పెస్‌ఎక్స్ ప్రాజెక్టుకు యుసాకు ఇప్పటికే దరఖాస్తు చేసుకున్నాడు. ఈ యాత్రలో తనకు తోడుగా తన కొత్త గర్లఫ్రెండ్‌ని తీసుకెళ్లాలనుకుంటున్నాడట.

అయితే  ఈ ఎంపిక ప్రక్రియని ఓ టీవీ కార్యక్రమంగానూ మలచనున్నారు. ‘ఫుల్‌ మూన్‌ లవర్స్‌’ పేరిట దీన్ని ప్రసారం చేయనున్నారు. దీనిలో పాల్గొనాలకునేవారు.. రోదసి యాత్రకు, దానికి ముందు ఇవ్వబోయే శిక్షణకు సిద్ధంగా ఉండాలని షరతు విధించారు. అలాగే ప్రపంచ శాంతిని కాంక్షించేవారై ఉండాలట. ఈ షోకు దరఖాస్తు చేసుకోవాలనకునేవారికి జనవరి 17 తుది గడువుగా విధించారు. మార్చి చివరి నాటికి మిజావా తన భాగస్వామిని ఎంచుకుంటారని ప్రకటనలో పేర్కొన్నారు. రోదసిలో తన ప్రేమను చాటుతూ ప్రపంచ శాంతిని కాంక్షించాలన్నదే తన లక్ష్యమని యుసాకు మిజావా చెబుతున్నాడు. 

జోజో అనే ఆన్‌లైన్‌ ఫ్యాషన్‌ కంపెనీని స్థాపించిన మిజావా గత సంవత్సరమే దీన్ని ఓ ప్రముఖ సంస్థకు విక్రయించారు. కోట్లు ఖర్చు చేసి కళాఖండాలను కొనడం ఈయకున్న మరో ఆసక్తికర అభిరుచి.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.