close
Array ( ) 1

తాజా వార్తలు

Updated : 21/04/2020 18:22 IST
Facebook Share Twitter Share WhatsApp Share Telegram Share

విజయసాయి వ్యాఖ్యలపై కన్నా కౌంటర్‌

గుంటూరు: కరోనా రక్షణ కిట్ల గురించి ప్రశ్నిస్తుంటే వైకాపా నేతలు తనపై వ్యక్తిగత దూషణలకు పాల్పడుతున్నారని భాజపా రాష్ట్ర అధ్యక్షుడు కన్నా లక్ష్మీనారాయణ ఆరోపించారు. వైకాపా ఎంపీ విజయసాయిరెడ్డి తాజాగా చేసిన ఆరోపణలపై ఆయన స్పందించారు. గుంటూరులో నిర్వహించిన మీడియా సమావేశంలో కన్నా మాట్లాడారు. 2019 ఎన్నికల సమయంలో భాజపా అధినాయకత్వం రాష్ట్రానికి ఎంత డబ్బులు ఇచ్చింది.. అందులో ఎంత దుర్వినియోగం జరిగిందనే వివరాలు తన వద్ద ఉన్నాయంటూ విజయసాయి చేసిన ఆరోపణలను కన్నా ఖండించారు. ఎన్నికల్లో డబ్బు ఖర్చు పెట్టే  సంస్కృతి భాజపాది కాదన్నారు. ప్రధాని మోదీ నేతృత్వంలో దేశంలో అవినీతి రహిత పాలన సాగుతోందని చెప్పారు. ఎన్నికల్లో పెట్టుబడి పెట్టి అధికారంలోకి వచ్చాక అవినీతికి పాల్పడే నైజం వైకాపాదేనని ఆరోపించారు. పచ్చకామెర్లు ఉన్న వారికి లోకమంతా పచ్చగానే కనిపిస్తుందని విజయసాయిని ఉద్దేశించి విమర్శించారు. ప్రతివారం కోర్టుకెళ్లి ప్రమాణం చేయడం, అబద్ధాలు చెప్పడం విజయసాయిరెడ్డికి అలవాటేనని.. ప్రమాణాలేమీ ఆయనకి కొత్త కాదని వ్యంగ్యంగా వ్యాఖ్యానించారు. తెదేపా అధినేత చంద్రబాబు వద్ద తాను రూ.20కోట్లు తీసుకున్నానంటూ చేసిన ఆరోపణలపై కాణిపాకం వినాయకుడి వద్ద ప్రమాణం చేస్తారా? అని విజయసాయికి సవాల్‌ విసిరానని.. తాజాగా ఆయన చేసిన వ్యాఖ్యల బట్టి ప్రమాణానికి వస్తారని భావిస్తున్నట్లు చెప్పారు. లాక్‌డౌన్‌ పూర్తవగానే తేదీ, సమయం నిర్ణయిస్తానని.. విజయసాయిరెడ్డి వచ్చి ప్రమాణం చేయాలని కన్నా కోరారు. 

కేసులు దాచిపెడుతున్నారు..

వైకాపా మంత్రులు, ఎమ్మెల్యేల వల్లే కరోనా వ్యాప్తి జరుగుతోందని కన్నా ఆరోపించారు. విజయసాయిరెడ్డి విజయవాడ, విశాఖ.. ఇలా తిరుగుతున్నారని ఆక్షేపించారు. యూపీ సీఎం యోగి ఆదిత్యనాథ్‌ తన తండ్రి మృతిచెందినా వెళ్లలేదని గుర్తు చేశారు. రాజధాని విశాఖకు వెళ్తుందా? లేదా? అనే దానిపై కాలమే సమాధానం చెబుతుందని కన్నా చెప్పారు. కరోనా కిట్ల వ్యవహారంలో పర్చేజ్‌ ఆర్డర్‌, మంత్రి, అధికారుల ప్రకటనల్లో తేడాలున్నాయని చెప్పారు. కిట్ల ధర విషయంలో వచ్చిన ఆరోపణలపై పారదర్శకతను నిరూపించుకోవాలని ప్రతిపక్ష పార్టీగా తాము కోరామన్నారు. తప్పు చేశారు కాబట్టే వ్యక్తిగత దూషణలతో విషయాన్ని పక్కదారి పట్టిస్తున్నారని విమర్శించారు. భిన్నమైన ప్రకటనలు చేశారని.. పథకం ప్రకారం ఏదో జరిగినట్లు కనిపిస్తోందని కన్నా వ్యాఖ్యానించారు. కరోనా కేసులను రాష్ట్ర ప్రభుత్వం దాచిపెడుతోందని.. దీనిలో తనకెలాంటి సందేహం లేదన్నారు. ప్రభుత్వం వాస్తవాలను ప్రజలకు చెప్పడం లేదని ఆయన ఆరోపించారు.

ఇవీ చదవండి..

కన్నాపై మళ్లీ విజయసాయిరెడ్డి తీవ్ర ఆరోపణలు

నన్ను కొనేవాళ్లు పుట్టలేదు : కన్నా


Tags :

రాజకీయం

జనరల్‌

సినిమా

క్రైమ్

స్పోర్ట్స్

బిజినెస్‌

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.